Амерыканскую спявачку, якая падтрымлівае ЛГБТ, у апошні момант знялі з расійскага конкурса «Інтэрбачанне»
Амерыканская спявачка Vassy (Васілікі Карагіоргас), якая павінна была замяніць на «Інтэрбачанні» іншага музыку з ЗША, не будзе ўдзельнічаць у конкурсе з-за «непрадбачанай сітуацыі», піша выданне «Вёрстка».
«На жаль, праз непрадбачаную надзвычайную сітуацыю мне давялося адмовіцца ад удзелу і з'ехаць. Мне вельмі шкада, што я прапушчу гэты асаблівы момант», — адказала артыстка ў паведамленнях у інстаграме.
Раней спявак і блогер Рамін Абдулаеў са спасылкай на крыніцы на пляцоўцы заявіў, што Vassy «дыскваліфікавалі ў апошні момант».
Пазней арганізатары «Інтэрбачання» абвясцілі, што Vassy не возьме ўдзел у конкурсе «па незалежных ад дэлегацыі ЗША прычынах, выкліканым беспрэцэдэнтным палітычным ціскам з боку ўрада Аўстраліі» (у спявачкі ёсць грамадзянства гэтай краіны).
Vassy расказвала, што стала паслом Noh8 Campaign — дабрачыннай арганізацыі, якая выступае за прасоўванне квір-шлюбаў і гендарнай роўнасці. Раней інфармацыя пра гэта была выдаленая са старонкі Vassy ў «Вікіпедыі», а цяпер, як заўважыла «Вёрстка», адпаведны абзац зноў з'явіўся на старонцы спявачкі.
18 верасня стала вядома, што амерыканскі спявак Брэндан Ховард, першапачаткова заяўлены ад ЗША, не зможа ўдзельнічаць у «Інтэрбачанні» праз непрадбачаныя сямейныя абставіны. Яго месца на конкурсе акурат і павінна была заняць Vassy.
Конкурс «Інтэрбачанне» праходзіць у Маскве ўвечары 20 верасня. Яго правядзенне ініцыявана Крамлём, а пазіцыянуецца конкурс як альтэрнатыва «Еўрабачанню», ад удзелу ў якім Расія адхіленая ў 2022 годзе, а Беларусь — яшчэ на год раней.
Удзельнік «Інтэрбачання» ад ЗША саскочыў за тры дні да пачатку
«Інтэрбачанне»: як пройдзе расійская альтэрнатыва «Еўрабачанню»
«Інтэрбачанне» імітуе сваю папулярнасць: масоўку пераапранулі ў гледачоў-замежнікаў, на беларуску нацягнулі какошнік
Лаўроў: «Інтэрбачанне» ў Маскве пройдзе без вычварэнстваў
У Расіі аднаўляюць музычны конкурс часоў брэжнеўскага застою
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары