Узламаны акаўнт «Лініі Сталіна» пачаў публікаваць зводкі пра сотні збітых над Расіяй беспілотнікаў — ніхто не заўважыў падвоху
За месяц на новы акаўнт ідэалагічнага гісторыка-культурнага комплексу амаль ніхто не падпісаўся.
У пачатку жніўня невядомыя ўзламалі афіцыйную суполку гісторыка-культурнага комплексу «Лінія Сталіна» ва «Укантакце», на якую падпісана больш за 6700 чалавек.
На працягу некалькіх дзён у суполцы публікавалі аднатыпныя допісы пра тое, што над рознымі абласцямі Расіі і акупаванымі тэрыторыямі Украіны былі перахоплены і знішчаны дзясяткі і сотні ўкраінскіх беспілотнікаў.
Толькі праз два тыдні, відаць, не здолеўшы вярнуць сабе кіраванне суполкай, адміністрацыя «Лініі Сталіна» стварыла новую групу і пачала пісаць у каментарах старой, што тая ўзламаная. У выніку за амаль месяц на новую суполку падпісалася мізэрная колькасць — усяго 11 чалавек.
Допісы з баявымі зводкамі ў старой суполцы зніклі, але, відаць, вярнуць да яе доступ дагэтуль не атрымалася — апошні допіс датуецца 1 жніўня.
«Наша Нiва» — бастыён беларушчыны
ПАДТРЫМАЦЬ
Каментары
Гэта прызнавалі савецкія ваенныя спецыялісты, як аўтар артыкула ў "Ваенна-гістарычным часопісе" 1961 г. № 9.
Ён жа кажа і пра тое, што назва не была ўласнай савецкай, яе дала нямецкая прапаганда па аналогіі з еўрапейскімі лініямі абароны.
Постсавецкія ідэолагі ўзялі і няправільную назву, і перабольшылі ролю ўмацаванняў у вайне, то-бок зрабілі якраз тое, што крытыкавалася нават пры савецкай уладзе.
Такі ідэалагічны фарс і фальсіфікацыя гістарычнай памяці.
Наконт новага акаунта "Лініі Сталіна" ў ВК: а неабавязкова было публікаваць яго новую назву, дапамагаць карыстальнікам адшукаць яго.