«Ніхто не зразумеў, куды ехаць». Першая аварыя на алмазнай развязцы ў Мінску выклікала спрэчкі сярод кіроўцаў
Адзін з аўтамабілістаў 26 жніўня выклаў у тыктоку відэа з «першай аварыяй» на абноўленай алмазнай развязцы на скрыжаванні МКАД з Ігуменскім трактам і вуліцай Бабушкіна. Нягледзячы на шырокую рэкламу, якую новай схеме руху на перакрыжаванні дала Дзяржаўтаінспекцыя, ДТЗ на гэтым участку, які і раней лічыўся праблемным і загружаным, пазбегнуць не ўдалося, піша «Тэлеграф».
Мяркуючы па кадрах, знятых сведкам адной з першых аварый на алмазнай развязцы, сутыкнуліся дзве фуры — адна ўрэзалася ў прычэп другой. Падрабязнасці аварыі не паведамляюцца — у зводках ДАІ інфармацыі пра здарэнне пакуль няма.
На думку аўтара роліка, на развязцы проста «ніхто не зразумеў, куды ехаць».
У каментарах разгарэлася дыскусія як наконт гэтай канкрэтнай аварыі, так і наконт самой схемы руху, дзе ў гадзіны пік заўсёды назіраліся сур’ёзныя заторы пры ўездзе з МКАД.
Некаторым кіроўцам новая схема падалася празмерна складанай менавіта для велікагрузных аўтамабіляў — не з-за складанасці палос, калі трэба нібыта выязджаць на сустрэчную паласу, а з-за занадта вузкіх палос і рэзкіх паваротаў, у якія фуры могуць проста не ўпісацца.
«Там рабілі, каб спрашчаць з’езд і ўезд на МКАД, але ніхто не падумаў пра радыус павароту для велікагрузаў, а менавіта яны там у большасці», — адзначыў адзін з каментатараў.
«Там вельмі вузкія палосы, а калі ўлічваць, што там шмат фур, гэтых аварый будзе маса», — меркаваў іншы.
«Там аўтобусы і фуры не ўпісваюцца ў габарыты разметкі», — падтрымаў трэці.
Аднак іншыя ўдзельнікі дыскусіі лічаць, што справа не ў схеме, а ў банальнай няўважлівасці.
«Кіроўцы самі павінны адэкватна ацэньваць абстаноўку. Дафіст гэтага не зрабіў — вось і расплаціўся», — заявіў адзін з гледачоў.
«Трэба трымаць дыстанцыю — і ніякіх аварый не будзе», — дадаў другі.
Дарэчы, напярэдадні намеснік начальніка УДАІ ГУУС Мінгарвыканкама Дзяніс Лівановіч, каментуючы запуск алмазнай развязкі, асабліва падкрэсліў, што новая схема «выключае канфлікт транспарту пры левым павароце», што, на думку ДАІ, «паляпшае бяспеку дарожнага руху».
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары