У Мінску забароняць аплачваць штраф за безбілетны праезд на месцы наяўнымі
З 1 верасня ў сталічным грамадскім транспарце ўводзяцца новыя правілы: штраф за безбілетны праезд больш нельга будзе аплаціць на месцы наяўнымі. Як паведамілі ў «Мінсктрансе», цяпер зрабіць гэта можна будзе толькі праз сістэму АРІП у безнаяўнай форме, піша «Смартпрэс».

Раней кантралёры дазвалялі парушальніку адразу прызнаць віну і заплаціць мінімальны штраф на месцы, без складання адміністрацыйнага пратакола. Цяпер такая магчымасць адмененая.
У 2024 годзе ў Мінску было злоўлена больш за 100 тысяч безбілетнікаў. Агульная сума штрафаў перавысіла 3 мільёны рублёў. Часам парушэнні перарасталі ў больш сур’ёзныя сітуацыі: зафіксавана шэсць выпадкаў нападу на кантралёраў, па якіх завялі крымінальныя справы паводле артыкула 366 КК (гвалт ці пагроза ў дачыненні да службовай асобы).
Цяпер штраф за безбілетны праезд складае ад 21 да 42 рублёў (0,5 — 1 базавая велічыня). Акрамя таго, парушальнік абавязаны аплаціць кошт самой паездкі, калі хоча працягнуць рух. Калі ж ён гэтага не зробіць, то кантралёр мае права высадзіць парушальніка на найбліжэйшым прыпынку.
Улады назвалі сабекошт паездкі ў грамадскім транспарце Мінска
Мінчук абурыўся кантынгентам у сталічным метро: Усе з новымі айфонамі, але не могуць дазволіць сабе танную машыну ці паездкі на таксі?
У Беларусі з'явіцца адзіная мабільная праграма для продажу квіткоў на грамадскі транспарт
У Гродне ўвадначас закрылі палову кіёскаў, дзе можна набыць квіткі на грамадскі транспарт. У аўтапарку праблемы не бачаць
Каментары
Пс. Дарэчы, а што там з персанальнымі звесткамі? Можна даваць пашпарт ці не?