У вёсцы пад Барысавам разам з полем зааралі адзіную дарогу. Адважны чалавек паехаў і загруз
Жыхары вёскі Студзёнка прачнуліся ў суботу раніцай і даведаліся, што дарогі больш няма.
У вёсцы Студзёнка Барысаўскага раёна разам з палеткам узаралі адзіную дарогу, па якой дачнікі дабіраліся да свайго ўчастка.
Сітуацыя выклікала буру эмоцый і абурэнняў мясцовых жыхароў, бо іншых пад’ездаў да ўчасткаў няма, піша «Мінская праўда».
«Мы ехалі як звычайна. А тут глядзім: усё перакапана. Машына села, колы праваліліся. Хто гэта зрабіў? Чаму ніхто не папярэдзіў?» — задалася пытаннем жыхарка вёскі.
Адзін з кіроўцаў, праігнараваўшы стан глебы, вырашыў праскочыць па ўзараным участку. Вынік быў крыху прадказальны: машына загрузла ў рыхлай глебе, выехаць самастойна не атрымалася. Урэшце давялося выцягваць аўто агульнымі намаганнямі. Дзякуючы гэтаму ўдалося паказаць праблему, выклаўшы відэа ў сацыяльныя сеткі.
У аддзеле землеўпарадкавання Барысаўскага райвыканкама растлумачылі, што дарога праходзіць па мяжы зямельнага ўчастка, які належыць ААТ «Міраполле». І ў дакументах ёсць блытаніна.
«Па публічнай кадастравай карце — гэта сельскагаспадарчыя ўгоддзі (па мяжы зямельнага ўчастка сельгаспрадпрыемства), але па геапартале — землі пад дарогамі. Так, яна не зарэгістраваная як паўнавартасная дарога. Але яна лічыцца як зямля пад транспартныя камунікацыі.
Мы ўжо звязаліся з прадстаўнікамі ААТ, яны паабяцалі аднавіць дарогу (а там каля 500 метраў) на працягу двух дзён, да 15 чысла, перад пачаткам пасяўных работ», — расказалі ў выканкаме.
На прадпрыемстве, якому належыць участак, паабяцалі аднавіць дарогу ў найбліжэйшы час.
Цяпер чытаюць
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію20
Каментары