«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы
Жыхароў прыватнага сектара эвакуявалі.
У ноч на панядзелак, 4 жніўня, у Рэчыцы ўлады эвакуявалі жыхароў дамоў у прыватным сектары ў раёне завода металічных вырабаў пасля падзення беспілотніка, піша «Флагшток».
Паводле слоў мясцовых жыхароў, сілавікі прыехалі каля апоўначы, каб правесці эвакуацыю.
«Ці то на правадах завіс дрон, ці то недзе заблытаўся. Не здэтанаваў. Вуліцу абгарадзілі, жыхароў вывелі за агароджу. Потым прыехалі сапёры і ўзялі яго. З людзей узялі распіскі, каб усе маўчалі», — расказаў адзін з суразмоўцаў. Другая крыніца пацвердзіла, што пазней бачыла міліцэйскую агароджу на ўчастку вуліцы Горкага ў прыватным сектары ў раёне завода.
Ніводная афіцыйная крыніца не праінфармавала пра інцыдэнт. Аб крымінальнай справе, як гэта было з падзеннем БПЛА ў Мінску, таксама не паведамлялася.
Інцыдэнт адбыўся падчас чарговай расійскай масіраванай атакі на Украіну, але ў тую ноч украінскія маніторынгавыя каналы не заўважылі залётаў расійскіх БПЛА ў Гомельшчыну — аднак зафіксавалі некалькі вылетаў дронаў з тэрыторыі Беларусі ў Чарнігаўскую вобласць.
Да таго ж у ноч на 4 жніўня характэрны гук «як у мапеда» чулі каля вёскі Грабоўка ў Гомельскім раёне.
Паводле звестак украінскага маніторынгавага канала eRadar, траекторыя расійскіх БПЛА той ноччу была незвычайнай: беспілотнікі фіксаваліся пры вылеце з паветранай прасторы Беларусі ў кірунку Украіны.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары