На журналіста Malanka Media напалі проста на вуліцы — з ягоных слоў, без папярэджання і на тое прычыны. Інцыдэнт адбыўся ў віленскім раёне Жырмуны, паведамляе Malanka Media ў сваім тэлеграм-канале.
Мікалай (імя хлопца зменена) вяртаўся з працы, калі да яго падышла група нецвярозых людзей. Адзін з іх, верагодна, палічыў, што хлопец здымае яго на тэлефон, калі ён пераключаў музыку на прыладзе, — і раптам ударыў. Нешта выкрыкваючы на літоўскай мове, ён нанёс беларусу мінімум тры ўдары кулаком па твары і ўцёк.
Хуткую выклікалі відавочцы сцэны, хлопец быў дастаўлены ў цэнтр сківічна-тварнай хірургіі. Медыкі дыягнаставалі ў пацярпелага ірваную рану ніжняй губы і рассячэнне верхняй, удар мяккіх тканак і пашкоджанні дзясны і зубоў. Дактары наклалі яму каля дзясятка швоў.
Журналіст сам падаў заяву ў паліцыю. Па факце здарэння будзе пачата расследаванне па крымінальнай справе.
Пакалечаная ў Дубаі ўкраінская мадэль сцвярджае, што адным з яе катаў быў 28-гадовы беларускі тэмшчык. Вось што пра яго вядома
Палітзняволены грамадзянін Латвіі атрымаў у СІЗА дубінкай за тое, што заступіўся за беларускамоўнага зняволенага
Літоўская разведка папярэдзіла беларусаў, што іх імкнецца завербаваць КДБ
Міністр замежных спраў Літвы заступіўся за Офіс Ціханоўскай
Літоўскае тэлебачанне падкрэсліла, што ні Ціханоўская, ні яе прэс-сакратарка дагэтуль не валодаюць літоўскай мовай
Цяпер чытаюць
«З людзей узялі распіскі, каб усе маўчалі». Невядомы беспілотнік упаў у ноч на панядзелак у Рэчыцы1
Каментары
[Зрэдагавана]