Паліна Шарэнда-Панасюк намалявала па памяці план калоніі ў Зарэччы
Былая палітзняволеная Паліна Шарэнда-Панасюк намалявала па памяці план калоніі ў Зарэччы Рэчыцкага раёна, дзе ўтрымліваюцца жанчыны-рэцыдывісткі. План апублікаваў у сваім фэйсбуку яе муж Андрэй Шарэнда.
«Жаночыя этапы з СІЗА Гомеля ў калонію ў Зарэчча адбываюцца кожныя шэсць дзен: 4, 10, 16, 22 і 28 дня кожнага месяца, без выходных», — напісала Паліна.
«Акурат ў гэтыя гадзіны супрацоўнікі СІЗА занятыя «кіпучай чэкісцкай работай», з шостай раніцы пакуючы людзей да аўтазакаў. Сярод чаргі на вываз можа быць і Вікторыя Кульша, якой 1 жніўня 2025 году прысуд па сфабыкаваным у чацвёрты раз сумнавядомым 411 артыкуле — 1 год 5 дзён — пакінулі без зменаў. Ну, хто б сумняваўся! З 2023 году наконт нас з Вікторыяй існавала распараджэнне «зверху»: адразу пасля г.зв. апеляцыі першым жа этапам хутчэй-хутчэй у калонію, там ужо чакаюць, у іх вылічаны і складзены графік новай фабрыкацыі, трэба паспець! І таму калі звычайныя зняволеныя маглі чакаць на этап два-тры тыдні, нас, «палітычных», адпраўлялі праз тры дні», — кажа Паліна.
У Зарэччы зараз знаходзяцца чатыры жанчыны-палітвязні: Вікторыя Кульша, Алена Гнаўк, Вольга Маёрава і Анастасія Пакаташкіна.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары