Башкана Гагаузіі Яўгенію Гуцул прысудзілі да 7 гадоў пазбаўлення волі па справе аб незаконным фінансаванні выбарчай кампаніі.
Гуцул абвінавачвалі ў тым, што яна ўдзельнічала ў незаконным фінансаванні партыі, у прыватнасці, вазіла грошы з Расіі ў Малдову з 2019-га па 2022 год. Другая справа звязаная з удзелам Гуцул у арганізацыі пратэстаў у Кішынёве ў 2022 годзе, дзе яна адказвала за выплаты людзям, мітынгоўцам каля дзяржаўных устаноў.
У кастрычніку 2024 года Еўрасаюз унёс Гуцул у санкцыйны спіс за прасоўванне сепаратызму ў Гагаузіі, цесныя сувязі з Расіяй і пагрозы суверэнітэту і незалежнасці Малдовы.
Пракуратура прасіла дзевяць гадоў турмы.
Таксама да шасці гадоў турмы асуджаная былая сакратарка партыі «Шор» Святлана Прапан.
Гагаузія — аўтаномная вобласць Малдовы, у распаўсюджванне свайго ўплыву на якую шмат сродкаў уклала Расія.
Цяпер чытаюць
Каспяровіча перад гібеллю дапытвалі ў польскай контрразведцы — распытвалі пра візы для агентаў ААЦ з пашпартамі прыкрыцця і пра Бульбу2
Каментары
Калі Еўрасаюз і ЗША ўсіх спансуюць у сваіх інтэрэсах, то гэта норм. А калі тое самае робіць Расія, то адразу стром і турма.
Калі раптам перамагае на выбарах не той кандыдат, то вынікі скасоўваюць (прывет Румынам), бо гэта Пуцін рэкламу ў тыктоках замаўляў.
Не, я не аматар рускага свету, не падтрымліваю Лу і Пу. Проста канстатую факты, што ў некаторых краінах Еўропы ўлады выкарыстоўваюць тыя самыя захады ў барацьбе з інакамыслем, як гэта робяць у Расіі, Беларусі і іншых НЕдэмакратычных краінах.