Святлана Ціханоўская прыбыла ў Харватыю для ўдзелу ў Дуброўніцкім форуме
На запрашэнне міністра замежных спраў Харватыі Гордана Грліча-Радмана беларуская дэмакратычная лідарка Святлана Ціханоўская прыбыла ў гэтую краіну, каб узяць удзел у Дуброўніцкім форуме.
Арганізатарам Дуброўніцкага форума з’яўляецца Міністэрства замежных і еўрапейскіх спраў Харватыі. Мерапрыемства праходзіць з 2006 года (першапачаткова называлася Харвацкі саміт і Харвацкі форум) у харвацкім горадзе Дуброўнік.
Сёлетні форум праходзіць 11—12 ліпеня. Ціханоўская возьме ўдзел у панэлі «SOS: Заходнія каштоўнасці ў крызісе?»
Агулам у двухдзённай праграме Дуброўніцкага форуму запланавана 16 панэльных дыскусій па шырокім коле тэм, уключаючы геапалітычныя выклікі і гандлёвыя стасункі паміж кантынентамі, гаворыцца на сайце мерапрыемства.
Ціханоўская напісала 11 ліпеня на сваёй старонцы ў сацыяльнай сетцы Х, што ў рамках візіту сустрэнецца з харвацкім прэм’ер-міністрам Андрэем Пленкавічам і спікерам парламента Горданам Яндракавічам.
26 студзеня 2023 года Ціханоўская ўжо сустракалася з Пленкавічам і Грлічам-Радманам. Тады бакі абмяркоўвалі пашырэнне санкцый супраць афіцыйнага Мінска, падтрымку дэмакратычных сіл і дыяспары.
«Мы працуем, каб вызваленні сталі сістэмнымі, а не спарадычнымі». Вячорка адказаў Краўцову
Прэзідэнт Германіі сустрэўся з Ціханоўскімі і заклікаў вызваліць палітвязняў у Беларусі
Дубавец: Сіла Офіса Ціханоўскай у тым, што ён — за ўсіх беларусаў, у тым ліку і тых, якія прарочаць яму «канцы»
Ціханоўская — Трампу: Лукашэнку трэба пакараць, а не заахвочваць
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2121
Каментары