У Мінпрацы расказалі, хто можа атрымаць кампенсацыю за наступствы непагадзі
У Міністэрстве працы і сацыяльнай абароны расказалі, на якую дапамогу могуць разлічваць тыя, хто пацярпеў ад залеваў і моцных вятроў.
У ведамстве падкрэслілі, што ў такія перыяды сацыяльныя службы актывізуюць працу па аказанні дапамогі ў першую чаргу найбольш уразлівым катэгорыям — адзінокім пажылым людзям і інвалідам, якія востра маюць у ёй патрэбу.
Паслугамі сацыяльнага абслугоўвання дома карыстаюцца больш за 103 тыс. чалавек, з якіх 24,5 тыс. — адзінокія людзі.
Але дапамога прадугледжана і для іншых катэгорый. Тыя, чыя маёмасць пацярпела ад стыхіі, могуць звярнуцца ў тэрытарыяльны цэнтр сацыяльнага абслугоўвання насельніцтва па месцы жыхарства за адраснай дапамогай у выглядзе аднаразовай дапамогі.
У ведамстве ўдакладнілі, што дапамога можа быць прызначана тым, у каго даход у месяц на аднаго члена сям’і не перавышае 693,87 рубля.
У сваю чаргу непрацуючыя пенсіянеры і інваліды, што пацярпелі ад непагадзі, могуць таксама звярнуцца за аказаннем матэрыяльнай дапамогі з сродкаў Фонду сацыяльнай абароны насельніцтва.
Нагадаем, напярэдадні ад навальнічнага фронту пацярпелі жыхары Віцебскай і Магілёўскай абласцей. Залеўны дождж з градам абрынуўся і на Мінск і Мінс вобласць.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары