Жанчына з Гомеля пацікавілася ў мясцовага выдання «Белка», ці можа яе старэйшы сын забіраць малодшага брата з дзіцячага садка. Старэйшаму хлопцу летам споўніцца 16 гадоў і ён сам прапанаваў дапамагаць, бо ў маці непастаянны працоўны графік, а бацька часта ў камандзіроўках.
Прадстаўніца аддзела адукацыі Савецкага раёна Гомеля патлумачыла, што згодна з правіламі бяспекі, зацверджанымі Міністэрствам адукацыі (пастанова №227 ад 3 жніўня 2022 года), дзяцей нельга аддаваць асобам маладзейшым за 16 гадоў. Таксама дзіця не аддадуць, калі чалавек, які прыйшоў яго забіраць, у нецвярозым стане або пад уплывам наркатычных рэчываў.
У ідэале дзіця павінны забірать законныя прадстаўнікі. Але калі гэта немагчыма па аб’ектыўных прычынах (напрыклад, хвароба, камандзіроўка, зменны графік), то забраць дзіця могуць блізкія сваякі або іншыя людзі, пазначаныя ў заяве ад бацькоў. Такім чынам, калі сыну ўжо споўнілася 16 і ёсць заява ад бацькоў — ён можа забіраць брата.
Нежывым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ6
Каментары