Прэзідэнт Гітанас Наўседа падпісаў указ аб прызначэнні сацыял-дэмакрата, в.а. міністра працы Інгі Ругінене на пасаду прэм'ер-міністра. Прэзідэнту яшчэ трэба будзе прадставіць кандыдатуру Ругінене ў Сейме, піша Delfi.lt.
У сваю чаргу, парламентарыі павінны будуць прыняць рашэнне па кандыдатуры новага прэм'ер-міністра не пазней, чым праз тыдзень пасля яе прадстаўлення ў зале пленарных. Сейм галасуе па кандыдатуры прэм'ер-міністра адкрыта — для яе адабрэння дастаткова простай большасці галасоў.
У выпадку ўхвалення парламентам кандыдатуры прэм'ер-міністра, ён абавязаны не пазней чым на працягу 15 дзён пасля свайго прызначэння прадставіць парламенту сфармаваны і зацверджаны прэзідэнтам Кабінет міністраў, а таксама ўнесці на разгляд праграму работы ўрада.
Інга Ругінене працуе на пасадзе міністра сацыяльнай абароны і працы Літвы са снежня 2024 года, яна дэпутатка Сейма ад партыі сацыял-дэмакратаў.
Новая меркаваная прэм'ерка нарадзілася 24 мая 1981 года ў Троках, як кажуць, у рускамоўнай сям'і. Па адукацыі яна магістарка аховы здароўя і юрыстка ў сферы працоўнага права, а таксама вывучала кіраванне лясной гаспадаркай.
З 2018 па 2024 год яна ўзначальвала Літоўскую канфедэрацыю прафсаюзаў. Была віцэ-прэзідэнткай Міжнароднай канфедэрацыі прафсаюзаў (ITUC) і Еўрапейскай канфедэрацыі прафсаюзаў (ETUC).
Кандыдатура Ругінене павінна быць узгодненая з прэзідэнтам Літвы Гітанасам Наўседам. Пасля гэтага ён павінен прадставіць кандыдата на зацвярджэнне Сейму.
Пасада прэм'ер-міністра Літвы вызвалілася пасля таго, як 4 жніўня ранейшы кіраўнік урада Гінтаўтас Палуцкас пайшоў у адстаўку на фоне карупцыйнага скандалу.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары