Дзяржаўны сакратар ЗША Марка Рубіа павіншаваў расійскі народ з Днём Расіі, які адзначаецца 12 чэрвеня. Украінцы гэта расцэньваюць як «узнагароджанне краіны-агрэсара».
У сваім віншаванні Марк Рубіа падкрэсліў, што ЗША застаюцца адданымі падтрымцы расійскага народа, які нібыта «працягвае будаваць сваё імкненне да лепшай будучыні».
«Мы таксама карыстаемся гэтай магчымасцю, каб пацвердзіць жаданне Злучаных Штатаў канструктыўна супрацоўнічаць з Расійскай Федэрацыяй для дасягнення працяглага міру паміж Расіяй і Украінай. Мы спадзяемся, што мір будзе спрыяць развіццю больш узаемавыгадных адносін паміж нашымі краінамі», — напісаў амерыканскі дзяржсакратар.
Міністр замежных спраў Украіны Андрэй Сібіга публічна асудзіў гэта дзеянне перад пачаткам пасяджэння ў фармаце «Веймар+» у Рыме.
Сібіга заявіў, што яму было «асабліва непрыемна» чытаць віншаванні да Дня Расіі. Ён дадаў, што «мае маральнае права гэта агучваць», адзначыўшы, што напярэдадні разам з літоўскім калегам быў у Херсоне, які размешчаны за 13 кіламетраў ад лініі фронту, і «на свае вочы ўбачыў, што такое расійскі тэрор».
«Гэта ненармальна. Украінскі народ мае права на нармальнае жыццё», — падкрэсліў кіраўнік дыпламатычнага ведамства Украіны, адначасова адзначыўшы:
«Не можа быць ніякага узнагароджання агрэсіі. Не можа быць ніякага ўзнагароджання краіны-агрэсара».
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім2
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары