Грамадства1212

«Вакол вайна, вакол бушуе. Вазьміце Фінляндыю». Лукашэнка прачытаў кіношнікам лекцыю па міжнародным становішчы

На нарадзе па развіцці нацыянальнага кінематографа Лукашэнка, як адзначыла дзяржаўнае інфармагенцтва БелТА, «агучыў актуальную палітінфармацыю пра сучасныя геапалітычныя выклікі і абстаноўку вакол краіны». Лекцыя была пабудаваная паводле геаграфічнага прынцыпу — з поўначы на поўдзень.

«Бог нас збярог і дапамагае нам захаваць гэты кавалак. Паглядзіце, вакол вайна, вакол бушуе. Вазьміце Фінляндыю. Я пагружаны ў гэтую палітыку. Выбачайце, што вам палітінфармацыю гэтую чытаю. Вось Пуцін Мне кажа: «Слухай, жылі нармальна». Кажа, у краму ездзілі туды нашы людзі, усё было нармальна, жылі. Не, ім трэба было ўступіць у НАТА», — заявіў Лукашэнка, пачаўшы сваю характарыстыку складанай міжнароднай сітуацыі з самай поўначы.

Пасля пад ягоны аналіз трапіла сітуацыя ў Балтыйскім моры і гандлю праз яго:

«Ніжэй апускаемся. Цяпер ужо пагаворваюць пра тое, каб блакаваць Балтыйскае мора, — працягнуў Лукашэнка. — Каб гандлёвыя караблі, у тым ліку і нашы [не прапускаць]. Мы ж гандлюем цяпер не праз Літву і Латвію, як раней, — шалёныя гэтыя нас туды не пускаюць. Мы гандлюем праз Ленінград па Балтыцы. — Вось, мы, [кажуць апаненты], закрыем недзе ў Даніі праход. Што ж, мы дазволім, каб з нас здзекаваліся, здзекаваліся? Вайсковыя караблі будуць суправаджаць гандлёвыя судны».

Далей Лукашэнка перайшоў да сітуацыі ў непасрэдных суседзяў — краінах Балтыі:

«Апускаемся ніжэй — Прыбалтыка, балтыйскія тры дзяржавы, Польшча. Ну гэтым тром, ім-то чаго не хапала? Я бачыў, як гэта было. Ім усё туды, як у народзе нашым кажуць, «перлі ўсе». Для таго каб паказаць, што ўскраіны ў Савецкім Саюзе развіваюцца і гэтак далей. Высокатэхналагічныя былі рэспублікі. Парты, жыві — не хачу. Гандлявалі, велізарны аб'ём рэсурсаў. Што не хапала? Ну добра, вы хочаце самастойна. Мы таксама хочам жыць самастойна. Навошта вы плюеце ў наш бок?»

Чым далей на поўдзень — тым менш у Лукашэнкі заставалася слоў, каб акрэсліць усю бязрадаснасць сітуацыі:

«Апускаемся ніжэй. Пра Польшчу гаварыць не хачу. Ведаеце. Яшчэ ніжэй вайна — Украіна. Яшчэ ніжэй — на Каўказе, яна не скончылася».

Урэшце ён падсумаваў, для чаго ўсё гэта раней гаварылася:

«Я да чаго гэта кажу: і вось тут гэты астравок. Вы думаеце, нам спакойна жыць дадуць? Не, гэта каштуе каласальнага напружання. Перш за ўсё прэзідэнта, прабачце за нясціпласць. Ну дык вызваліце мяне ад таго, каб здымаць фільмы».

Каментары12

  • паглядзіце на ВУП Балтаў ў 80е і сёння . Гэта як Афрыка і ЭЗ.
    10.06.2025
    " cавецкім cаюзе развіваюцца і гэтак далей. Высокатэхналагічныя былі рэспублікі. Парты, жыві — не хачу. Гандлявалі, велізарны аб'ём рэсурсаў. Што не хапала?"

    казка дзеля маскоўскіх імперыялістаў , паглядзіце на ВУП Балтаў ў 80е і сёння . Гэта як Афрыка і ЭЗ.
  • падтрымка НАТА 90% , ў мяне жонка фінка
    10.06.2025
    "Ну добра, вы хочаце самастойна. Мы таксама хочам жыць самастойна. Навошта вы плюеце ў наш бок?»"

    тут згодны , на 100%, . Блакада Беларусі , пра - Маскоўская ў прынцыпе стратэгія .

    a Наконт Фіндладызацый , тут гэта бруднае слова , каланіяльная залежнасць ад афра- азіцкай (K. Marx) імперыі , такое сабе , ў мяне жонка фінка, і дзеці на палову фіны, падтрымка НАТА 90+ %
  • Мх
    10.06.2025
    Ленінград, "у Савецкім Саюзе", "нашы" караблі не пускаюць... Ён сапаўды ўжо бачыць Беларусь расейскім рэгіёнам. "Пра Польшчу і гаварыць не хачу, былі ж ускраінай СССР, усё нармальна было, не захацелі ісці ў НАТА". Без каментароў.

Цяпер чытаюць

Беспілотнік, які ўпаў у Мінску, прыляцеў з боку Барысава — шматлікія сведчанні9

Беспілотнік, які ўпаў у Мінску, прыляцеў з боку Барысава — шматлікія сведчанні

Усе навіны →
Усе навіны

У Польшчы затрыманыя 32 чалавекі за супрацоўніцтва з расійскімі спецслужбамі. Сярод іх ёсць і беларусы4

Пра даляр, таннейшы за тры рублі, можна забыцца? Што адбываецца з курсам2

Гарадзенцы ў адным месцы зрэзалі адразу 114 баравікоў1

Анархісты сфармулявалі чатыры пункты, якія павінен выканаць Стрыжак, каб вырашыць канфлікт55

«Прыстроіць грошы, каб працавалі». Сумная гісторыя кавярні, якая «не ўзляцела»4

Лукашэнка будуе сакрэтны завод па вытворчасці дронаў у Мінску7

СК апублікаваў відэазапіс падзення беспілотніка ў Мінску. На абломках паказалі ўкраінскія надпісы45

Арыштавалі экс-начальніка ДАІ Партызанскага раёна Мінска1

«Ніхто не мае права забараніць мне абняць дзіця». Мінчанка здзівілася строгім правілам у дзіцячым летніку5

больш чытаных навін
больш лайканых навін

Беспілотнік, які ўпаў у Мінску, прыляцеў з боку Барысава — шматлікія сведчанні9

Беспілотнік, які ўпаў у Мінску, прыляцеў з боку Барысава — шматлікія сведчанні

Галоўнае
Усе навіны →

Заўвага:

 

 

 

 

Закрыць Паведаміць