«Vakoł vajna, vakoł bušuje. Vaźmicie Finlandyju». Łukašenka pračytaŭ kinošnikam lekcyju pa mižnarodnym stanoviščy
Na naradzie pa raźvićci nacyjanalnaha kiniematohrafa Łukašenka, jak adznačyła dziaržaŭnaje infarmahienctva BiełTA, «ahučyŭ aktualnuju palitinfarmacyju pra sučasnyja hieapalityčnyja vykliki i abstanoŭku vakoł krainy». Lekcyja była pabudavanaja pavodle hieahrafičnaha pryncypu — z poŭnačy na poŭdzień.
«Boh nas źbiaroh i dapamahaje nam zachavać hety kavałak. Pahladzicie, vakoł vajna, vakoł bušuje. Vaźmicie Finlandyju. Ja pahružany ŭ hetuju palityku. Vybačajcie, što vam palitinfarmacyju hetuju čytaju. Voś Pucin Mnie kaža: «Słuchaj, žyli narmalna». Kaža, u kramu jeździli tudy našy ludzi, usio było narmalna, žyli. Nie, im treba było ŭstupić u NATA», — zajaviŭ Łukašenka, pačaŭšy svaju charaktarystyku składanaj mižnarodnaj situacyi z samaj poŭnačy.
Paśla pad jahony analiz trapiła situacyja ŭ Bałtyjskim mory i handlu praź jaho:
«Nižej apuskajemsia. Ciapier užo pahavorvajuć pra toje, kab błakavać Bałtyjskaje mora, — praciahnuŭ Łukašenka. — Kab handlovyja karabli, u tym liku i našy [nie prapuskać]. My ž handlujem ciapier nie praź Litvu i Łatviju, jak raniej, — šalonyja hetyja nas tudy nie puskajuć. My handlujem praź Leninhrad pa Bałtycy. — Voś, my, [kažuć apanienty], zakryjem niedzie ŭ Danii prachod. Što ž, my dazvolim, kab z nas ździekavalisia, ździekavalisia? Vajskovyja karabli buduć supravadžać handlovyja sudny».
Dalej Łukašenka pierajšoŭ da situacyi ŭ niepasrednych susiedziaŭ — krainach Bałtyi:
«Apuskajemsia nižej — Prybałtyka, bałtyjskija try dziaržavy, Polšča. Nu hetym trom, im-to čaho nie chapała? Ja bačyŭ, jak heta było. Im usio tudy, jak u narodzie našym kažuć, «pierli ŭsie». Dla taho kab pakazać, što ŭskrainy ŭ Savieckim Sajuzie raźvivajucca i hetak dalej. Vysokatechnałahičnyja byli respubliki. Party, žyvi — nie chaču. Handlavali, vielizarny abjom resursaŭ. Što nie chapała? Nu dobra, vy chočacie samastojna. My taksama chočam žyć samastojna. Navošta vy plujecie ŭ naš bok?»
Čym dalej na poŭdzień — tym mienš u Łukašenki zastavałasia słoŭ, kab akreślić usiu biazradasnaść situacyi:
«Apuskajemsia nižej. Pra Polšču havaryć nie chaču. Viedajecie. Jašče nižej vajna — Ukraina. Jašče nižej — na Kaŭkazie, jana nie skončyłasia».
Urešcie jon padsumavaŭ, dla čaho ŭsio heta raniej havaryłasia:
«Ja da čaho heta kažu: i voś tut hety astravok. Vy dumajecie, nam spakojna žyć daduć? Nie, heta kaštuje kałasalnaha napružańnia. Pierš za ŭsio prezidenta, prabačcie za niaścipłaść. Nu dyk vyzvalicie mianie ad taho, kab zdymać filmy».
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały4
Kamientary
kazka dziela maskoŭskich impieryjalistaŭ , pahladzicie na VUP Bałtaŭ ŭ 80ie i siońnia . Heta jak Afryka i EZ.
tut zhodny , na 100%, . Błakada Biełarusi , pra - Maskoŭskaja ŭ pryncypie stratehija .
a Nakont Findładyzacyj , tut heta brudnaje słova , kałanijalnaja zaležnaść ad afra- azickaj (K. Marx) impieryi , takoje sabie , ŭ mianie žonka finka, i dzieci na pałovu finy, padtrymka NATA 90+ %