Новы самалёт Airbus A330-200 разлічаны на 281 пасажыра.
Авіякампанія «Белавія» паведаміла, што іх флот упершыню папоўніўся новым тыпам самалёта — Airbus A330-200.
«Белавія» анансуе, што гэта дасць магчымасць здзяйсняць далёкамагістральныя рэйсы і адкрываць новыя маршруты.
Далёкасць палёту Airbus A330-200 — да 12 тысяч кіламетраў. У Boeing 737-8, якія раней былі ў флоце авіякампаніі, — 6570 кіламетраў, у два разы меней.
Новы самалёт разлічаны на 281 пасажыра: 18 месцаў у бізнэс-класе і 263 у «эканоме».
Нюанс у тым, што гэты самалёт дастаўлены ў абыход санкцый. Усяго «Белавія» рыхтуе да палётаў тры самалёты Airbus A330-200. Яны ўжо атрымалі рэгістрацыйныя нумары EW-587PD, EW-588PD і EW-589PD, пісала «Бюро» ў нядаўнім расследаванні.
Са снежня 2021 года дзяржаўная авіякампанія «Белавія» знаходзіцца пад санкцыямі ЕС, а са жніўня 2023 года — пад санкцыямі ЗША. Каб прыгнаць у Беларусь самалёты Airbus, была выкарыстаная схема абыходу санкцый з удзелам фірмы-пракладкі. Назіральнікі за самалётамі сфатаграфавалі паветраныя судны, калі яны толькі прыбылі ў Нацыянальны аэрапорт Мінск у жніўні мінулага года.
На іх відаць надпіс Onur Air і сінія хвасты з пальмамі. І гэта не выпадкова. Некаторы час гэтыя паветраныя судны выкарыстоўваліся авіякампаніяй Saudi Arabian Airlines, чые самалёты маюць якраз такі сінія хвасты з пальмамі.
У сакавіку 2020 года самалёты былі перададзеныя турэцкай кампаніі Onur Air, якая праз два гады абвясціла пра банкруцтва. З лістапада і снежня 2023 года ўсе тры самалёты належаць гамбійскай кампаніі Magic Air. Менавіта гэтая кампанія даставіла самалёты ў Мінск.
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя7
Памятаеце Пятрушу, які выдзіраў драты «дыджэям Перамен»? Яго перавялі ў трэцюю лігу чыноўнікаў пасля месяцаў беспрацоўя
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек44
Каментары