У Бранскай вобласці мост, па якім ехала фура, абрынуўся на пасажырскі цягнік. Сем загінулых
Расійскія СМІ пішуць пра магчымы яго падрыў.
Паводле інфармацыі шэрагу крыніц, надзвычайнае здарэнне адбылося на федэральнай трасе недалёка ад пасёлка Выганічы, а яго прычынай стаў нібыта падрыў апоры моста.
У выніку ўніз зляцела фура, якая праязджала па мосце. Унізе ж знаходзяцца чыгуначныя пуці, па якіх якраз у гэты момант ішоў пасажырскі цягнік «Клімава — Масква».
Аварыя адбылася ў 22:44 на адпапутным перагоне Пільшына — Выганічы.
Маскоўская чыгунка паведаміла, што сход пасажырскага цягніка адбыўся праз абвальванне пралётнай будовы аўтамабільнага моста «ў выніку незаконнага ўмяшання ў дзейнасць транспарту».
З рэек, як паведамляецца, сышлі 4 вагоны з лакаматывам.
Ратавальнікам давялося разразаць раскурожаны вагон, каб дэблакаваць людзей, якія ў ім былі.
У выніку гэтай катастрофы, па папярэдніх даных, 7 чалавекі загінулі, 69 — пацярпелі.
Сярод загінулых нібыта ёсць машыніст і памочнік машыніста. Сярод пацярпелых ёсць грудное немаўля.
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе4
Каментары