Грамадства2020

«Ужо не ведаеш, куды звяртацца». Бацька Анжалікі Мельнікавай расказаў, што яму вядома пра дачку

Каб не падстаўляць суразмоўцу, «Еўрарадыё» пагутарыла з татам зніклай спікеркі Каардынацыйнай рады Анжалікі Мельнікавай Артурам Бялевічам ад імя журналіста, не ўдакладняючы якога выдання.

Анжаліка Мельнікава

— Ці не з'яўлялася Анжаліка? Можа, ёсць нейкія навіны пра яе?

— Не, нічога. Што ў інтэрнэце чытаў, то і ўсё.

— Што, наогул ніякіх навін ад яе за ўвесь гэты час не было?

— Не, зусім ніякіх. Апошні раз асабіста размаўляў у лютым.

— І што вы робіце? Вы яе шукаеце як-небудзь?

— Ды як шукаць? Што тут? Ужо не ведаеш, куды звяртацца. А маці яе тэлефанавалі? [Артур Бялевіч з маці Анжалікі Аксанай Саўчанка ў разводзе. — Рэд.]

 Тэлефанавалі, не можам дазваніцца. 

— Ну ясна, ну не ведаю… Куды ж тут звернешся… 

 А вы самі баіцеся звяртацца ў нейкія беларускія органы

— Справа не ў тым, ці баішся. Яны скажуць, што муж нават… я не ведаю, калі муж не падаваў [заяву], то, можа, яе наогул няма ў Беларусі. 

 Ну як гэта… Сваячка знікае….

— Я з Аксанай, з маці гаварыў — казала, што ўсё нармальна. Але гэта было, праўда, тыдні два таму ці тры, дзесьці так. Сказала, здаецца, што ўсё нармальна, а што нармальна?..

— Мы чыталі, што ў яе быццам там быў малады чалавек, які аказаўся ці то агентам, ці кім… 

— Ну гэта і я чытаў. 

 А яна вам нічога не расказвала пра сваё новае асабістае жыццё, што яна кудысьці збіраецца ехаць? 

— Ну, я ведаю, што яна з ім адпачывала дзесьці, можа, у Дубаі ці дзе. Расказвала, але больш нічога не ведаю. Бо гэта было даўно. 

 Ці ведалі вы, што ў яе ёсць сябар

— Ну ведаў…

 Але маці не казала, што выходзіла з ёй на сувязь? 

— Не. Сказала, што ўсё нармальна. 

 Дзіўна, насамрэч, што ўсе такія спакойныя, калі знікае чалавек. 

— Ну так… 

 А што кажа Андрэй

— Я яго не бачыў, не ведаю.

 А дзеці цяпер у Нясвіжы знаходзяцца

— Не, дзеці ў Мінску. 

 Андрэй у Мінск пераехаў

— Ну там быў ён, дзяцей туды завозіў, а цяпер не ведаю дзе.

 А дзеці з кім у Мінску

— А дзеці там з яго маці, я так разумею. Ну вось усё, што я ведаю. 

Па парадзе Артура Бялевіча «Еўрарадыё» некалькі разоў спрабавала датэлефанавацца да маці Анжалікі Мельнікавай, але тая ці скідала званок, ці проста не падымала. Не рэагуе на званок і Андрэй (экс-муж Анжалікі Мельнікавай). 

Датэлефанаваліся журналісты «Еўрарадыё» толькі да Аляксандра Мельнікава, бацькі Андрэя, але той з імі размаўляць не стаў.

Каментары20

  • Filipp
    27.05.2025
    Шкада бацьку, вось так не ведаць што з тваім дзецём. Адно добрае, што хутчэй за ўсё жывая.
    Дзякуй журналістам за працу.
  • даведка
    27.05.2025
    По лысой стрижке и исхудалому виду мы поймём, если Анжелика была в СИЗО КГБ.
  • Лол
    27.05.2025
    1863, Гэта клювы момант, каторы дэманструе, што бацька пэўна жыве асобна і ведае столькі ж, колькі тутэйшыя каментатары. Калі маці Мельнікавай не падавала завявы, не мітусіцца і запэўнівае, што з дачкой на сувязі і ў той усё норм, то хутчэй за ўсё яно так і ёсць.

Цяпер чытаюць

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Усе навіны →
Усе навіны

«Калі позву адправілі памылкова, грамадзянін павінен гэта даказаць». У Гомелі ў міліцыю выклікаюць тых, хто не парушаў закон4

Сілавікі пагражаюць коміку Усовічу, які прыехаў адпачыць на Нарач6

Як у медуніверсітэтах вырасла колькасць мэтавікоў за апошнія гады — змены істотныя

Прэзідэнт Літвы пазбавіў палітыка, які нядаўна ездзіў у Мінск, дзяржаўнай узнагароды2

«Анёл» шукае чалавека, які знік больш чым чвэрць стагоддзя таму

Віцэ-прэм'еры атрымаюць дадатковыя паўнамоцтвы1

Мядзведзю не дала прайсці з Літвы ў Беларусь памежная сцяна ВІДЭА

Лукашэнка паскардзіўся Пуціну, што ўсю беларускую бульбу прадалі ў Расію14

Праект «Жыццё-маліна» прызналі экстрэмісцкім фармаваннем3

больш чытаных навін
больш лайканых навін

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка2

Валанцёр «Вясны» Чапюк расказаў, як яго затрымаў ГУБАЗіК адразу на выхадзе з калоніі і як дапытвалі пра Міколу Дзядка

Галоўнае
Усе навіны →

Заўвага:

 

 

 

 

Закрыць Паведаміць