Латушка прызнаўся, што ўжо некалькі гадоў судзіцца са сваім былым паплечнікам Анатолем Котавым
У 2021 годзе ўзнікла пытанне аб недастатковай колькасці дакументаў, якія пацвярджаюць выдаткі фонда «Беларусь будучыні».
У інтэрв'ю Еўрарадыё Павел Латушка адзначыў, што выпадак з Анжалікай Мельнікавай — урок для беларускай апазіцыі, і згадаў сітуацыю, якая адбылася ў 2021 годзе з фондам «Беларусь будучыні», старшынёй якой на той час быў былы супрацоўнік адміністрацыі Лукашэнкі і МЗС Беларусі Анатоль Котаў.
У эміграцыі Котаў стаў адказным за знешнюю палітыку і гандаль у Народным антыкрызісным упраўленні Паўла Латушкі.
«Пры разглядзе партнёрамі справаздач у 2021 годзе ўзнікла пытанне аб недастатковай колькасці дакументаў, пацвярджаючых выдаткі.
Па выніках аналізу мы прыйшлі да высновы, што так, дакументаў не хапае. І мы прапанавалі Котаву варыянт — альбо ён сыходзіць сам, альбо мы яго звальняем рашэннем праўлення. Ён сышоў сам са старшыні праўлення», — згадвае акалічнасці Латушка і даводзіць, што яны адразу падалі заяву ў паліцыю:
«Вось юрыдычная працэдура, як дзейнічаць, калі не дай Бог сустрэнецца такая падобная сітуацыя. Падалі заяву ў паліцыю дзеля таго, каб фактычна прымусіць яго знайсці гэтыя дакументы альбо панесці адказнасць».
Па словах старшыні Нацыянальнага антыкрызіснага ўпраўлення, паліцыя правяла даследчую праверку, але адмовіла ў завядзенні крымінальнай справы.
«Мы абскардзілі гэта рашэнне. Пайшлі ў суд, каб прымусіць юрыдычна паліцыю, пракуратуру завесці крымінальную справу. І мы атрымалі адмову.
Па аналізе тых дакументаў, які атрымаў суд, ён сказаў: няма падстаў для завядзення нейкай справы супраць старшыні праўлення Котава. У выніку нам было рэкамендавана пайсці ў грамадзянскі суд», — дзеліцца падрабязнасцямі Латушка і адзначае, што да гэтай пары фонд знаходзіцца ў грамадзянскім працэсе з Котавым.
«На невялікую суму сродкаў, але мы ідзём прававой дарогай»,
— даводзіць Латушка і адзначае правільнасць таго, што «Кіберпартызаны» падалі заяву ў праваахоўныя органы па факце знікнення грошай з рахунку фонду Białoruś Liberty, якім кіравала Анжаліка Мельнікава.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары4
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары