У кіроўцы аўтобуса, які ехаў з Варшавы ў Мінск, знайшлі шмат нелегальных аўтазапчастак
Кіроўцу аўтобуса, які ехаў з Варшавы ў Мінск, прыцягнуць да адміністрацыйнай адказнасці за спробу незаконнага ўвозу аўтазапчастак на тэрыторыю ЕАЭС, паведаміў Дзяржаўны мытны камітэт.
45-гадовы грамадзянін Беларусі зрабіў у аўтобусе тайнік, каб схаваць тавар ад мытнага кантролю. Ён перасякаў мяжу праз пункт пропуску «Брэст» і сцвярджаў, што не мае нічога, што падлягае дэклараванню.
Аднак жа падчас агляду транспарту мытнікі знайшлі запчасткі — кранштэйны, клапаны, балты і іншыя дэталі — у тэхналагічнай поласці аўтобуса. Каб дабрацца да схаванага, супрацоўнікам прыйшлося зняць накрыўку, якая закрывала поласць. Агульны кошт незадэклараваных тавараў склаў каля 15 тысяч беларускіх рублёў.
Мужчына пазней растлумачыў, што яму прапанавалі перавезці гэтыя запчасткі з Варшавы за ўзнагароджанне і ён схаваў іх, каб не плаціць мытныя пошліны.
Усе запчасткі і аўтобус 2012 года выпуску, агульным коштам больш за 400 тысяч рублёў, былі канфіскаваныя да рашэння суда.
Брэсцкая мытня пачала ў дачыненні да кіроўцы адміністрацыйны працэс паводле ч. 2 арт. 15.1 Кодэкса аб адміністрацыйных правапарушэннях. Мужчыну пагражае штраф да 30 базавых велічынь, а таксама магчымасць канфіскацыі аўтобуса, бо артыкул прадугледжвае такую меру для транспарту, выкарыстанага для перавозкі схаванага тавару.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары