Пяскоў панаракаў на «дэфіцыт сяброўскіх пачуццяў», што з некаторымі краінамі захоўваецца стагоддзямі
Прадстаўнік Крамля не разумее прычыны такога стаўлення.
«Дэфіцыт сяброўскіх пачуццяў», са словаў Пяскова, з некаторымі краінамі захоўваецца на працягу стагоддзяў, якія «чамусьці баяцца і дэманізуюць» Расію.
«Ёсць краіны, з якімі на працягу многіх стагоддзяў у нас, скажам так, дэфіцыт сяброўскіх пачуццяў. Вось узяць, напрыклад, Польшчу. Вось з Польшчай у нас сапраўды праблема. З Прыбалтыкай у нас сапраўды праблема. Яны ўвесь час нас чамусьці баяцца, нас дэманізуюць. І ўсе, хто прыходзіць там да ўлады, пачынаюць проста люта ненавідзець Расію і рускіх», — кажа Пяскоў.
Ад такога стаўлення да Расіі гэтыя краіны шмат страчваюць, лічыць прадстаўнік Крамля.
«Ці памылка гэта? Памылка, вялікая памылка. Таму што з рускай культуры, з узаемадзеяння з Расіяй гэтыя краіны маглі б запазычыць вельмі шмат», — мяркуе Пяскоў.
Максім Рыжанкоў, міністр замежных спраў Беларусі, днямі заявіў, што спадзяецца на хуткае аднаўленне адносін з Польшчай. А вось Літву назваў «непрадказальнай».
Каментары