U kiroŭcy aŭtobusa, jaki jechaŭ z Varšavy ŭ Minsk, znajšli šmat nielehalnych aŭtazapčastak
Kiroŭcu aŭtobusa, jaki jechaŭ z Varšavy ŭ Minsk, pryciahnuć da administracyjnaj adkaznaści za sprobu niezakonnaha ŭvozu aŭtazapčastak na terytoryju JEAES, paviedamiŭ Dziaržaŭny mytny kamitet.
45-hadovy hramadzianin Biełarusi zrabiŭ u aŭtobusie tajnik, kab schavać tavar ad mytnaha kantrolu. Jon pierasiakaŭ miažu praz punkt propusku «Brest» i śćviardžaŭ, što nie maje ničoha, što padlahaje dekłaravańniu.
Adnak ža padčas ahladu transpartu mytniki znajšli zapčastki — kranštejny, kłapany, bałty i inšyja detali — u technałahičnaj połaści aŭtobusa. Kab dabracca da schavanaha, supracoŭnikam pryjšłosia źniać nakryŭku, jakaja zakryvała połaść. Ahulny košt niezadekłaravanych tavaraŭ skłaŭ kala 15 tysiač biełaruskich rubloŭ.
Mužčyna paźniej rastłumačyŭ, što jamu prapanavali pieravieźci hetyja zapčastki z Varšavy za ŭznaharodžańnie i jon schavaŭ ich, kab nie płacić mytnyja pošliny.
Usie zapčastki i aŭtobus 2012 hoda vypusku, ahulnym koštam bolš za 400 tysiač rubloŭ, byli kanfiskavanyja da rašeńnia suda.
Bresckaja mytnia pačała ŭ dačynieńni da kiroŭcy administracyjny praces pavodle č. 2 art. 15.1 Kodeksa ab administracyjnych pravaparušeńniach. Mužčynu pahražaje štraf da 30 bazavych vieličyń, a taksama mahčymaść kanfiskacyi aŭtobusa, bo artykuł praduhledžvaje takuju mieru dla transpartu, vykarystanaha dla pieravozki schavanaha tavaru.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty40
Kamientary