Hrodzienskaja rehijanalnaja mytnia zaviała spravu ŭ dačynieńni da 42-hadovaha hramadzianina Biełarusi pa č. 1 art. 3331 Kryminalnaha kodeksa, jakaja praduhledžvaje adkaznaść za niezakonnaje pieramiaščeńnie praz mytnuju miažu roznych niebiaśpiečnych rečyvaŭ, paviedamlaje prakuratura Hrodzienskaj vobłaści. Mužčyna źmieščany pad vartu.
Pavodle materyjałaŭ spravy, padazravany ŭ sakaviku 2025 hoda zajechaŭ na hruzavym aŭtamabili ź Litvy ŭ Biełaruś. U punkcie mytnaha afarmleńnia Bieniakoni (ź litoŭskaha boku — Salečniki) «u pustaciełaj prastory pad dekaratyŭnaj abiŭkaj sałona na vierchnim spalnym miescy ciahača» byli vyjaŭlenyja «čatyry jomistaści z palimiernaha materyjału z sypkim rečyvam masaj 4.015 hr».
Pa zaklučeńni ekśpierta, rečyva źjaŭlajecca «biazdymnymi porachami pramysłovaj vytvorčaści i adnosicca da katehoryi kidalnych vybuchovych rečyvaŭ».
Prakuratura adznačaje, što biazdymnyja porachi vykarystoŭvajucca ŭ jakaści kidalnych zaradaŭ dla bojeprypasaŭ hładkastvolnaj i naraznoj ahniastrelnaj zbroi.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary