Учора 53-гадовая пісьменніца Святлана Курс паведаміла пра сваё гора. Нядаўна ёй паставілі цяжкі дыягназ: рак яечніка з метастазамі ў брушыну і лімфатычныя вузлы. Але апускаць рукі не збіраецца, будзе лячыцца і просіць беларусаў пра дапамогу.
«Гэта той самы «ціхі забойца», які доўга хаваецца і праяўляе сябе ўжо на позняй стадыі.
Ужо некалькі тыдняў я адчувала, што з маім целам нешта не так: цяжар у жываце, сцісканне мачавога пузыра, стомленасць. Я лячылася ад запалення — але гэта быў анкалагічны асцыт.
Усе астатнія органы ў мяне здаровыя — ныркі, печань, сэрца, лёгкія — і менавіта таму ў дактароў ёсць надзея: шанец на лекаванне, на працяг жыцця.
А я так не хачу яго адпускаць…», — напісала яна.
Святлане патрабавалася 10 тысяч еўра. Лячэнне збольшага бясплатнае, але трэба грошы на бытавыя выдаткі (жыццё пасля лячэння, інфраструктуру вакол лячэння, аплату дарогі да медыцынскіх цэнтраў, у тым ліку — у іншыя гарады), арэнду транспарту або таксі, калі фізічна цяжка ехаць грамадскім транспартам, чаканні і начлег пасля працэдур (калі трэба быць побач з клінікай), куплю базавых медыцынскіх сродкаў, якія не выдаюцца па страхоўцы (уколы, апрацоўкі, апараты для падтрымкі арганізма) ды інш.
За ноч беларусы сабралі неабходную суму і нават больш. Па стане на 7:00 раніцы сабрана 11 720 еўра з 10 000 еўра,
збор працягваецца.
Падтрымаць Святлану Курс, даўшы ёй шанец на жыццё, можна па спасылцы.
Цяпер чытаюць
Дзеячы эміграцыі пасварыліся з нагоды спісаў запрошаных на прыём да прэзідэнта Польшчы51
Каментары
Можа, выздаравее і напіша што-небудзь больш аптымістычнае.
А Курс пісала як бачала гэтае жыццё.
Яшчэ Бахарэвичу скажы пісаць светлае і аптымістычная...то, чаго няма.