«Збег абставінаў». У «Мінсктрансе» пракаментавалі інцыдэнт з пандусам, які адламаўся ад аўтобуса проста падчас рэйсу
Відэа з інцыдэнтам, які адбыўся 9 мая, ужо набрала больш за 2,4 мільёна праглядаў, што вымусіла прадпрыемства апраўдвацца.
На днях адзін з карыстальнікаў тыктока выклаў відэа, як кіроўца аўтобуса МАЗ-215, які абслугоўваў сталічны маршрут 119C (Вакзал — Аквапарк), спрабуе апусціць пандус для таго, каб у яго салон мог заехаць інвалід, але саржавелае прыстасаванне проста адвальваецца і падае на зямлю.
У «Мінсктрансе» патлумачылі, што апублікаваны інцыдэнт — збег абставін.
«Пры кожным планавым тэхабслугоўванні правяраецца спраўнасць апарэляў (так называецца гэты адкідны пандус — НН), у тым ліку і ў аўтобусе, зафіксаваным на відэа.
У гэтым выпадку падчас адкрыцця апарэлі вырвала завесу мацавання», — паведамілі на прадпрыемстве.
Цяпер чытаюць
Міністр культуры выцягнуў у эфір чарговага Астапа Бэндара. І гэта стала апошняй кропляй: супраць гэтага фермера-хвалька выступіла сям’я5
Каментары