«Мяне грохнуць на другі дзень». Прапагандыстка Сіманьян расказала, як хацела ехаць ваяваць — а пасля перадумала
Вядомая расійская прапагандыстка, галоўная рэдактарка прапагандысцкага тэлеканала Russia Today Маргарыта Сіманьян знялася ў праграме «Лёс чалавека», дзе расказала, што пасля таго, як яе муж Тыгран Кеасаян трапіў у кому, нібыта хацела ехаць ваяваць ва Украіну.
«Я вырашыла, што калі гэтая кома і такая цяжкая сітуацыя… я паеду на СВА [спецыяльнай ваеннай аперацыяй (СВА) расійскія ўлады і прапагандысты называюць развязаную Крамлём вайну ва Украіне. — Рэд.], таму што я не магу больш жыць. […] Мне то будзе лягчэй, мяне грохнуць на другі дзень», — заявіла яна.
Праўда, пазней Сіманьян нібыта стала думаць пра дзяцей і адмовілася ад гэтай ідэі:
«Я зразумела, не змагу так жорстка зрабіць з імі. Стала шукаць іншыя суцяшэнні».
Цяпер, паводле слоў прапагандысткі, яна «жыве з пачуцця доўгу, таму што абавязаная».
Апошнія некалькі месяцаў, з канца мінулага года, муж Сіманьян, таксама вядомы прапагандыст Тыгран Кеасаян, знаходзіцца ў коме. Паводле слоў Сіманьян, у яго даўно і моцна хворае сэрца.
Пуцін даў званне заслужанага артыста Расіі прапагандысту, які ляжыць у коме
Муж Сіманьян прапагандыст Тыгран Кеасаян дагэтуль у коме
Расійскі прапагандыст Тыгран Кеасаян перажыў клінічную смерць і знаходзіцца ў коме
Кіраўнік апарату Пашыняна абвінаваціў расійскія медыя ў гібрыднай вайне супраць Арменіі, а найбольшымі прапагандыстамі там назваў армян
Сіманьян заклікала пуцінцаў браць прыклад з Мураўёва-Вешальніка
Каментары