Кіраўнік апарату Пашыняна абвінаваціў расійскія медыя ў гібрыднай вайне супраць Арменіі, а найбольшымі прапагандыстамі там назваў армян
Кіраўнік апарату прэмʼер-міністра Арменіі Араік Аруцюнян абвінаваціў расійскія прапагандысцкія медыя ў вядзенні гібрыднай вайны супраць яго краіны. Гэтую думку ён выказаў у перадачы «Свая праўда» на тэлеканале НТВ, піша The Insider.
Так Аруцюнян адказаў на рэпліку журналіста Георга Хачатурана, які выказаў меркаванне, што ўдзельнікі маніфестацыі ў Ерэване, якія паспрабавалі прарвацца ў будынак урада, нібыта наткнуліся там на амерыканскіх дэсантнікаў, якія прыехалі ў Арменію на вучэнні.
Аруцюнян назваў гэтае выказванне «абсалютнай дэзынфармацыяй», а таксама са шкадаваннем адзначыў, што «самыя вялікія прапагандысты» на расійскіх каналах — гэта армяне Маргарыта Сіманьян, Тыгран Кеасаян, Арам Габрэлянаў, Сямён Багдасараў, Раман Бабаян, Сяргей Кургінян, Андранік Мігранян.
Раней стала вядома, што Адміністрацыя прэзідэнта РФ разаслала 19 верасня дзяржаўным і лаяльным расійскім СМІ метадычкі аб тым, як асвятляць баявыя дзеянні ў Нагорным Карабаху.
Згодна з імі, вінаватымі трэба паказваць Арменію і краіны Захаду, а акцэнт рабіць на тое, што прэмʼер-міністр Арменіі Нікол Пашынян прызнаў «тэрытарыяльную цэласнасць» Азербайджана.
Каментары