На 9 красавіка быў прызначаны ўжо чацвёрты па ліку аўкцыён па продажы дома ў Мінску, які належыць сям’і Цапкалаў. У выніку дом прадалі за цану амаль удвая меншую, чым прапаноўвалі падчас першага аўкцыёну, піша «Радыё Свабода».
Пачатковы кошт выстаўленага лота быў 841,6 тысячы рублёў. За тое, каб набыць дом, змагаліся тры ўдзельнікі аўкцыёну. У выніку аўкцыён адбыўся — дом Цапкалаў прадалі за 1 157 200 беларускіх рублёў (каля 337 тысяч еўра ці амаль 368 тысяч даляраў паводле курсу Нацбанка Беларусі).
Дом сям’і Цапкалаў знаходзіцца ў мікрараёне Сляпянка ў Мінску. Да гэтага яго яшчэ тройчы спрабавалі прадаць на аўкцыёне — 20 лістапада і 19 снежня 2024-га, 15 студзеня 2025 года. Першы раз пачатковы кошт лота быў 2 104 000 рублёў, другі раз кошт панізілі да 1 683 200 рублёў, трэці раз — да 1 262 400 рублёў. Усе тры разы таргі не адбыліся — не знайшлося ахвотных набыць дом.
У лот уваходзілі: двухпавярховы будынак № 7 плошчай амаль 420 «квадратаў» на вуліцы Цяплічнай у Мінску (унутры ёсць часткова мэбля і прадметы інтэр’еру), а таксама зямельны ўчастак з гаспадарчымі будынкамі, плошчай 0,1411 га. У доме зарэгістраваныя тры чалавекі, у тым ліку двое непаўналетніх дзяцей.
У доме былі зарэгістраваны тры чалавекі, у тым ліку двое непаўналетніх дзяцей.
У красавіку 2024 года з другой спробы таксама прадалі трохпакаёвую кватэру сям’і Цапкалаў у доме № 5 на вуліцы Чарнышэўскага ў Мінску. Першыя таргі таксама праваліліся — ахвотных не было. Пры другой спробе, пасля паніжэння кошту, яны з’явіліся.
Цяпер чытаюць
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай2
Ці выйдзе біяграфія Пазняка і ў чым галоўная праблема беларускай літаратуры? Янушкевіч — пра тыражы і канкурэнцыю з рускай кнігай
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары
Франак по фамилии Аземпик наверное купил