Прэтэндэнт на пасаду прэзідэнта — 2020 Валерый Цапкала заняўся ў Албаніі кансультаваннем мясцовага Парка высокіх тэхналогій.
Раней сям'я жыла ў суседняй Грэцыі, бо там Вераніка Цапкала знайшла працу ў кампаніі, якая стварае штучны інтэлект. «І гэта адзіная прычына, чаму мы туды пераехалі. Па ўмовах я павінна была там знаходзіцца фізічна», — казала яна.
Цяпер сітуацыя змянілася. Як паведамілі «Нашай Ніве» дзве крыніцы, сям'я ўрэшце легалізавалася ў Албаніі. Тут Валерыя Цапкалу паклікалі кансультантам у мясцовы аналаг Парка высокіх тэхналогій.
У Албаніі задумалі стварыць праект TEDA Tirana на 5—7 тысяч працоўных месцаў. Асноўны кірунак — IT-індустрыя, у тым ліку дата-цэнтры, штучны інтэлект і тэхналагічны сектар.
Валерый Цапкала нарадзіўся ў 1965 годзе ў Гродне. У 1994-1997 быў першым намеснікам міністра замежных спраў Беларусі. У 1997 — 2002 — пасол у ЗША і Мексіцы. У 2005 — 2017 — дырэктар Парка высокіх тэхналогій. У 2020 балатаваўся ў прэзідэнты. ЦВК забракавала сабраныя Цапкалам 160 тысяч подпісаў.
Вераніка Цапкала нарадзілася ў 1972 годзе ў Магілёве. Працавала менеджарам па развіцці Microsoft у СНД. Пасля таго, як яе мужу адмовілі ў рэгістрацыі кандыдатам у прэзідэнты, адбылося аб'яднанне штабоў — Ціханоўскай, Цапкалы і Бабарыкі. Тады Вераніка стала прадстаўляць каманду свайго мужа на агітацыйных пікетах Святланы Ціханоўскай.
Цяпер чытаюць
Дык усё ж ці бяспечны Telegram і для якіх мэтаў бяспечны? Вось што ясна на сёння3
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары