Pretendent na pasadu prezidenta — 2020 Valeryj Capkała zaniaŭsia ŭ Ałbanii kansultavańniem miascovaha Parka vysokich technałohij.
Raniej siamja žyła ŭ susiedniaj Hrecyi, bo tam Vieranika Capkała znajšła pracu ŭ kampanii, jakaja stvaraje štučny intelekt. «I heta adzinaja pryčyna, čamu my tudy pierajechali. Pa ŭmovach ja pavinna była tam znachodzicca fizična», — kazała jana.
Ciapier situacyja źmianiłasia. Jak paviedamili «Našaj Nivie» dźvie krynicy, siamja ŭrešcie lehalizavałasia ŭ Ałbanii. Tut Valeryja Capkału paklikali kansultantam u miascovy anałah Parka vysokich technałohij.
U Ałbanii zadumali stvaryć prajekt TEDA Tirana na 5—7 tysiač pracoŭnych miescaŭ. Asnoŭny kirunak — IT-industryja, u tym liku data-centry, štučny intelekt i technałahičny siektar.
Valeryj Capkała naradziŭsia ŭ 1965 hodzie ŭ Hrodnie. U 1994-1997 byŭ pieršym namieśnikam ministra zamiežnych spraŭ Biełarusi. U 1997 — 2002 — pasoł u ZŠA i Mieksicy. U 2005 — 2017 — dyrektar Parka vysokich technałohij. U 2020 bałatavaŭsia ŭ prezidenty. CVK zabrakavała sabranyja Capkałam 160 tysiač podpisaŭ.
Vieranika Capkała naradziłasia ŭ 1972 hodzie ŭ Mahilovie. Pracavała mieniedžaram pa raźvićci Microsoft u SND. Paśla taho, jak jaje mužu admovili ŭ rehistracyi kandydatam u prezidenty, adbyłosia abjadnańnie štaboŭ — Cichanoŭskaj, Capkały i Babaryki. Tady Vieranika stała pradstaŭlać kamandu svajho muža na ahitacyjnych pikietach Śviatłany Cichanoŭskaj.
Capkała razasłaŭ pa usim Jeŭrasajuzie skarhi na Cichanoŭskuju i inšych stvaralnikaŭ pašparta Novaj Biełarusi
Capkała raskazaŭ, što na hrečaskaj miažy jaho abvinavacili ŭ kradziažy aŭtamabila
Vieranika Capkała pra adjezd u Maskvu za dzień da vybaraŭ: «Ja chacieła pravieści hety histaryčny dzień ź dziećmi»
Ciapier čytajuć
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Kamientary