Цапкала разаслаў па усім Еўрасаюзе скаргі на Ціханоўскую і іншых стваральнікаў пашпарта Новай Беларусі
Адзін з удзельнікаў прэзідэнцкай выбарчай кампаніі 2020 года Валерый Цапкала, які цяпер знаходзіцца на эміграцыі, падаў ад імя сваёй арганізацыі Беларускі дэмакратычны форум, запыт на правядзенне расследавання адносна выдачы «пашпартоў Новай Беларусі». Адрасатамі запытаў сталі дзяржаўныя органы Літвы, копіі ж разасланыя ў МЗС і МУС краін Еўрасаюза, а таксама ў еўрапейскія структуры і міжнародныя арганізацыі.
У запыце Цапкала падымае шэраг пытанняў, якія яму падаюцца важнымі. Так, ён цікавіцца:
- якія прававыя падставы існуюць для выдачы такіх дакументаў і ці законна збіраць для яго выдачы персанальныя даныя ўнутры ці звонку Еўрасаюза;
- ці будзе гэты пашпарт афіцыйным дакументам, які сведчыць асобу, у адпаведнасці з дырэктывай ЕС 2019/1157/EC;
- ці можа гэта дакумент расцэньвацца як падроблены з прыцягненнем асоб, якія яго прад'яўляюць, да крымінальнай адказнасці;
- для якіх мэт збіраюцца персанальныя даныя грамадзян Беларусі і ці адпавядае збор, захоўванне і абарона такіх даных патрабаванням GDPR і адпаведным гарантыям для грамадзян, уключаючы бежанцаў?
- ці можа хто гарантаваць, што сабраныя звесткі не будуць перададзеныя спецслужбам рэжымаў Лукашэнкі ці Пуціна.
Цапкала падаў гэтыя запыты, як ён сцвярджае, «улічваючы значную грамадскую занепакоенасць, патэнцыйныя рызыкі бяспекі для грамадзян» і просіць правесці расследаванне і даць публічнае заключэнне».
Адрасатамі запытаў сталі Генеральная пракуратура і Міністэрства ўнутраных спраў Літвы, копіі накіраваныя кіраўніцтву Літвы, міністрам замежных спраў ЕС, міністрам унутраных спраў ЕС, Інтэрполу, Міжнароднай арганізацыі грамадзянскай авіяцыі і прадстаўнікам Еўрапейскай камісіі.
Беларускі дэмакратычны форум, ад імя якога Валерый Цапкала накіроўвае запыты, быў створаны ім у 2021 годзе. Раней з Цапкалам у яго рамках супрацоўнічалі такія дзеячы, як Вольга Карач і Дзмітрый Балкунец, але ці утрымліваецца гэты саюз дагэтуль, дакладных звестак няма.
Калега памерлага выкладчыка Шчукіна: Яго кінула жонка з дзецьмі, пачалася дэпрэсія. У выніку звольнілі за прагулы8
Каментары
Абсалютна стоадсоткава гарантавана
Што ўсе дадзеныя уцякуць.
Так што майце наўвазе.
Агідна ад гэтага і іншых прарасейскіх "новаапазіцыйных".