Пуцін падзякаваў Лукашэнку за затрыманне паўтоны выбухоўкі на мяжы
7 красавіка Пуцін пазваніў Лукашэнку, каб падзякаваць яму за затрыманне на беларускай мяжы буйной партыі выбуховых рэчываў агульнай вагой у 580 кілаграмаў, паведамілі ў прэс-службе Лукашэнкі.
«Уладзімір Пуцін патэлефанаваў Аляксандру Лукашэнку і падзякаваў за затрыманне найбуйнейшай партыі асабліва небяспечнага грузу — выбухоўкі», — гаворыцца ў паведамленні.
Далей гэтая выбухоўка меркавана вытворчасці ЗША нібыта павінна была трапіць у Расію.
Пуцін у размове з Аляксандрам Лукашэнкам папрасіў перадаць падзяку і наколькі магчыма заахвоціць спецыялістаў і экспертаў, якія выявілі і ідэнтыфікавалі небяспечны груз.
Як расказалі раней ў сюжэце БТ, бус Mercedes на малдаўскіх нумарах прыехаў у Беларусь з боку Польшчы 2 красавіка. Яго пераганялі з Літвы ў Расію. У Беларусь на ім спрабавалі ўвезці найбуйнейшую ў гісторыі краіны партыю выбухоўкі — 580 кілаграмаў. Кіроўцу затрымалі на мяжы з Польшчай.
Затрыманы кіроўца — 41-гадовы Яўген Манько. Ён кажа, што яго выкарысталі ўцёмную. На мужчыну завялі крымінальную справу па ч. 2 арт. 333-1 Крымінальнага кодэкса. Па ім пагражае пазбаўленне волі да 10 гадоў.
Мінчанка Ангеліна, якая прасіла ў Лукашэнкі кватэру за тройню, атрымала жыллё18
Каментары
Дзякуй Дар’я ❤️