Калі ўспрымаць візіты членаў каралеўскай сям’і як пасланні, то паездка прынца Уэльскага ў Эстонію, дзе ён сфатаграфаваўся ў танку недалёка ад мяжы з Расіяй, напэўна, была адным з найбольш прамых, паведамляе Бі-бі-сі.
Фота: Chris Jackson / Getty Images
Прынц Уільям прыбыў у Эстонію, каб выказаць падтрымку брытанскім войскам, што ўдзельнічаюць у самым маштабным аператыўным разгортванні брытанскай арміі за мяжой. Мэтай гэтай місіі з’яўляецца абарона балтыйскай краіны ад пагрозы з боку Расіі.
У пятніцу на прамерзлай зямлі вайсковага палігона перад прынцам прайшлі салдаты і ваенная тэхніка, якія ахоўваюць усходні фланг НАТА.
Прынц быў апрануты ў камуфляжную форму, сфатаграфаваўся ў танку Challenger 2, а пасля — у браняванай баявой машыне. Падчас свайго двухдзённага візіту ў Эстонію ён сустрэўся з часткай з 900 брытанскіх вайскоўцаў, якія ўваходзяць у склад шматнацыянальных сіл. Сярод іх былі і салдаты Мерсійскага палка, ганаровым палкоўнікам якога ён з’яўляецца.
Фота: Chris Jackson / Getty Images
У Эстоніі прынцу правялі экскурсію па вайсковай базе ў горадзе Тапа. Гэта база — частка аперацыі «Кабрыт», укладу Вялікабрытаніі ў забеспячэнне «калектыўнай бяспекі і абароны» НАТА ў гэтым уразлівым балтыйскім рэгіёне.
На рукаве прынца быў знак НАТА, яму прадэманстравалі палявыя вучэнні гэтай баявой групы. Таксама ён меў магчымасць пазнаёміцца з эстонскімі і французскімі вайскоўцамі.
Ён распытваў салдат пра іх службу «ў кантэксце блізкасці да Расіі» і цікавіўся, ці выглядае для іх гэты досвед больш рэалістычным у параўнанні з папярэднімі вучэннямі.
-
Ізраіль высылае «Лекараў без межаў» з сектара Газа. Медыкі адмовіліся даваць імёны сваіх людзей у рукі сілавікоў, асцергаючыся рэпрэсій супраць персаналу
-
Абараніць Ізраіль і арабскіх саюзнікаў. ЗША не ўдараць па Іране, пакуль не залатаюць дзіркі ў СПА
-
Трамп вырашыў пабудаваць у Вашынгтоне гіганцкую трыумфальную арку, якая будзе большай за парыжскую
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
за што яму палкоўніка далі? за бабулінага палкоўніка?
королевское достоинство (корень жизни он же ванька-встанька и т.д.)