Kali ŭsprymać vizity členaŭ karaleŭskaj siamji jak pasłańni, to pajezdka prynca Uelskaha ŭ Estoniju, dzie jon sfatahrafavaŭsia ŭ tanku niedaloka ad miažy z Rasijaj, napeŭna, była adnym z najbolš pramych, paviedamlaje Bi-bi-si.
Fota: Chris Jackson / Getty Images
Prync Uiljam prybyŭ u Estoniju, kab vykazać padtrymku brytanskim vojskam, što ŭdzielničajuć u samym maštabnym apieratyŭnym razhortvańni brytanskaj armii za miažoj. Metaj hetaj misii źjaŭlajecca abarona bałtyjskaj krainy ad pahrozy z boku Rasii.
U piatnicu na pramierzłaj ziamli vajskovaha palihona pierad pryncam prajšli sałdaty i vajennaja technika, jakija achoŭvajuć uschodni fłanh NATA.
Prync byŭ apranuty ŭ kamuflažnuju formu, sfatahrafavaŭsia ŭ tanku Challenger 2, a paśla — u braniavanaj bajavoj mašynie. Padčas svajho dvuchdzionnaha vizitu ŭ Estoniju jon sustreŭsia z častkaj z 900 brytanskich vajskoŭcaŭ, jakija ŭvachodziać u skład šmatnacyjanalnych sił. Siarod ich byli i sałdaty Miersijskaha pałka, hanarovym pałkoŭnikam jakoha jon źjaŭlajecca.
Fota: Chris Jackson / Getty Images
U Estonii pryncu praviali ekskursiju pa vajskovaj bazie ŭ horadzie Tapa. Heta baza — častka apieracyi «Kabryt», układu Vialikabrytanii ŭ zabieśpiačeńnie «kalektyŭnaj biaśpieki i abarony» NATA ŭ hetym uraźlivym bałtyjskim rehijonie.
Na rukavie prynca byŭ znak NATA, jamu prademanstravali palavyja vučeńni hetaj bajavoj hrupy. Taksama jon mieŭ mahčymaść paznajomicca z estonskimi i francuzskimi vajskoŭcami.
Jon raspytvaŭ sałdat pra ich słužbu «ŭ kantekście blizkaści da Rasii» i cikaviŭsia, ci vyhladaje dla ich hety dośvied bolš realistyčnym u paraŭnańni z papiarednimi vučeńniami.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary
za što jamu pałkoŭnika dali? za babulinaha pałkoŭnika?
korolevskoje dostoinstvo (korień žiźni on žie vańka-vstańka i t.d.)