Вы ў Польшчы? Значыць, лёгка можаце падтрымаць «Нашу Ніву» падаходным падаткам, не патраціўшы сваіх грошай. Вось як
Тыя, хто працуе афіцыйна ў Польшчы — незалежна ад таго, якое ў вас грамадзянства — пры падачы падатковай дэкларацыі за мінулы год могуць накіраваць 1,5% падаходнага падатку на дзейнасць грамадскіх арганізацый. Нічога свайго вы не патраціце — вы проста маеце права мэтава скіраваць частку ўжо сплачанага вамі падаходнага на тыя ці іншыя грамадскія мэты на ваш выбар. Калі ласка, падтрымайце падаткам «Нашу Ніву» ці беларускія ініцыятывы. Вось як гэта робіцца.
Падатковыя рэзідэнты Польшчы абавязаны штогадова падаваць падатковыя дэкларацыі — РІТ з 15 лютага па 30 красавіка. Аднак чым раней вы гэта зробіце, тым раней атрымаеце частку падатку, сплачанага за вас працадаўцам.
Каб гэта зрабіць — неабходна зайсці на сайт podatki.gov.pl
Сайт даступны на трох мовах: польскай, англійскай і ўкраінскай. Пасля аўтарызацыі вы трапіце на epit.podatki.gov.pl, сістэма прапануе вам запоўніць неабходную форму.
Для пачатку падачы дэкларацыі трэба націснуць на Złóż PIT.
Падчас запаўнення дэкларацыі — галоўнае не прапусціць пункт «1,5% podatku dla OPP» (перадача 1,5% падатку, які падлягае выплаце грамадскай арганізацыі).
Калі ласка, у полі «numer KRS wybranej organizacji» увядзіце нумар 0000507234 — ён адпавядае польскаму фонду-партнёру FaniMani, які дапамагае «Нашай Ніве» сабраць адсотак ад падатку.
Далей у полі «Cel szczegółowy do przekazania 1,5% podatku» трэба ўвесці лічбы 82197 — гэта наш ўнікальны нумар арганізацыі ў сістэме FaniMani.
Таму тут трэба быць максімальна пільнымі, бо калі вы не ўвядзеце гэтыя лічбы, то грошы пойдуць, але сістэма FaniMani не будзе ведаць, якой арганізацыі яны належаць.
Пасля пастаўце галачку «Wyrażam zgodę» (згодзен) націсніце кнопку «Zatwierdź» (зацвердзіць). Далей працягвайце запаўняць дэкларацыю і адпраўце яе ў канцы, калі ўсё запоўнена.
Такім простым і цалкам бясплатным для вас чынам вы можаце падтрымаць «Нашу Ніву» — бастыён беларушчыны і крыніцу інфармацыі для ўсіх нашых, і тут, і там.
Падрабязную інструкцыю, як падтрымаць «Нашу Ніву», калі вы працуеце ў Літве, можна знайсці тут.
Бо мы з вамі і ёсць Беларусь.
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары