Свет

Міністр фінансаў ЗША прывёз у Кіеў праект пагаднення па прыродных рэсурсах

ЗША прадставілі Украіне праект пагаднення па прыродных рэсурсах, а само пагадненне можа быць дасягнута на сёлетняй Мюнхенскай канферэнцыі па бяспецы. Пра гэта паведамляе «РБК-Украіна» са спасылкай на заяву прэзідэнта Украіны Уладзіміра Зяленскага.

Фота: x.com/ZelenskyyUa

Зяленскі заявіў, што правёў прадуктыўныя і канструктыўныя перамовы з міністрам фінансаў ЗША Скотам Бесэнтам і атрымаў першы праект патэнцыйнага пагаднення аб прыродных рэсурсах.

«Я ведаю, што нашай камандзе перадалі першы праект пагаднення ад Злучаных Штатаў аб партнёрстве паміж нашымі краінамі. Я вельмі хачу, каб наша каманда вывучыла гэты дакумент, і мы зробім усё, каб як мага хутчэй вывучыць і падпісаць гэты дакумент», — расказаў Зяленскі.

Ён дадаў, што пагадненне можа быць дасягнутае на Мюнхенскай канферэнцыі, якая адбудзецца на гэтым тыдні.

«Злучаныя Штаты — гэта нашы галоўныя партнёры. Мы зробім усё, каб вывучыць усе дэталі дакумента і паспець на Мюнхенскую канферэнцыю, таму што не хочацца губляць час», — адзначыў Зяленскі.

Пры гэтым, паводле слоў прэзідэнта Украіны, яны не абмяркоўвалі прыродныя рэсурсы, якія знаходзяцца на акупаванай Расіяй украінскай тэрыторыі.

Скот Бесэнт расказаў пра вынікі сустрэчы так:

«Я прыбыў ва Украіну, каб сустрэцца ў прэзідэнтам, убачыць людзей, а таксама перадаць прапановы ад прэзідэнта Трампа. Ён хоча завяршыць гэтую трагедыю, вельмі вялікую трагедыю. І ён працуе з абодвума бакамі. І прэзідэнт Зяленскі правядзе сустрэчу з віцэ-прэзідэнтам і міністрам замежных спраў у Мюнхене. А тым часам урад разгледзіць гэты дакумент.

Мы лічым, гэты дакумент вельмі важны, і Злучаныя Штаты ды Украіна маюць агульныя каштоўнасці — бяспеку. І мы хацелі б у далейшым звязаць агульныя аспекты эканомікі. І мы лічым, што гэта важны сігнал свету, кіраўніцтву Расіі, што мы стаім разам у плане павелічэння эканамічных сувязяў, партнёрскіх узаемаадносін з урадам і насельніцтвам Украіны. Пасля завяршэння гэтага канфлікту гэта дазволіць забяспечыць доўгатэрміновы шчыт бяспекі для ўсіх украінцаў», — заявіў ён.

Як раней пісаў New York Post, Украіна «па сутнасці пагадзілася» даць ЗША рэдказямельныя металы на суму 500 млрд даляраў у якасці аплаты за вайсковую дапамогу, якую Вашынгтон надаў Кіеву.

Пры гэтым, па словах Зяленскага, тэрыторыі Украіны важна абараніць ад расіян не толькі з пункту гледжання бяспекі, але і ў фінансавым плане. У адваротным выпадку важныя выкапні, у прыватнасці «рэдказемы», дастануцца расіянам задарма.

Каментары

Цяпер чытаюць

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны7

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Усе навіны →
Усе навіны

Вызначыліся ўсе фіналісты «Еўрабачання-2025»

Крамлёўская метадычка ўжо настройвае прапагандыстаў, як трэба пісаць пра правал перамоў у Стамбуле4

На рынку ў Гомелі з'явілася чарэшня. Пачым?

Крэацін — новая мода. Ці варта вам яго прымаць?2

У сэрвіс таксі ад кампаніі A1 дадалі беларускую мову6

Перакладчыца на беларускую «Гары Потэра»: «Тое, што мастак павінен быць галодны, — гэта брыдкая маніпуляцыя»3

Еўрапейскі суд па правах чалавека адхіліў скаргу Вольгі Карач5

Рубіа не чакае прарыву ад цяперашніх перамоў у Стамбуле2

«Скрасці столькі, колькі ён хоча, з іншых краін складаней». Як у Зімбабвэ пракаментавалі візіт свайго кіраўніка да Лукашэнкі4

больш чытаных навін
больш лайканых навін

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны7

Перамовы ў Стамбуле завяршыліся пасля патрабавання Масквы аб вывадзе ўкраінскіх войскаў з чатырох абласцей Украіны

Галоўнае
Усе навіны →

Заўвага:

 

 

 

 

Закрыць Паведаміць