У Віцебску перайменавалі факультэт, назву якога Лукашэнка назваў «мацернай»
Факультэт Віцебскага дзяржаўнага ўніверсітэта з «непрыстойнай» назвай перайменавалі, піша тэлеграм-канал «Віцебск, я гуляю».
У верасні мінулага года падчас візіту ў ВДУ Аляксандр Лукашэнка не змог вымавіць слова «гуманітарыстыка» ў назве аднаго з факультэтаў — гуманітарыстыкі і моўных камунікацый. Тады ён назваў гэтае слова мацерным.
«Факультэт гуманітарыстыкі і моўных камунікацый. Вось гэтае мацюкальнае слова як разумець?» — спытаў тады Лукашэнка.
Рэктар сказала, што слова прыдумалі філолагі. Лукашэнка папрасіў намесніка сваёй адміністрацыі Уладзіміра Пярцова растлумачыць, што гэта такое.
«Гэта тыя, хто з дапамогай моўных навыкаў, гуманітарыі, выбудоўваюць камунікацыю. Я так разумею», — не зусім упэўнена патлумачыў галоўны ідэолаг краіны.
Цяпер гэта падраздзяленне перайменавана ў факультэт гуманітарных ведаў і камунікацый.
Перайменаванне адбылося яшчэ 27 верасня 2024 года, праз тры тыдні пасля візіту Лукашэнкі.
Цяпер чытаюць
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў8
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары