І вярнулі назву гары Мак-Кінлі.
ЗША афіцыйна перайменавалі Мексіканскі заліў у Амерыканскі. Пра гэта паведамляецца на сайце Міністэрства ўнутраных спраў краіны.
«Згодна з указам прэзідэнта Дональда Трампа, Мексіканскі заліў цяпер афіцыйна будзе называцца Амерыканскім залівам, а самая высокая вяршыня Паўночнай Амерыкі зноў будзе насіць імя гары Мак-Кінлі», — адзначаецца ў паведамленні.
Паводле ведамства, заліў мае «цэнтральнае значэнне для нацыі» як «найважнейшая артэрыя для амерыканскага гандлю, энергетычнай вытворчасці і марской прамысловасці».
Дональд Трамп заявіў, што Уільям Мак-Кінлі, які займаў пасаду прэзідэнта ЗША з 1897 па 1901 год, «зрабіў нашу краіну вельмі багатай дзякуючы тарыфам і таленту — ён быў прыроджаным бізнесменам». Дарэчы, яго забіў, па адных звестках, сын выхадца з Віленскай губерні.
Гару на Алясцы назвалі ў гонар Мак-Кінлі ў 1917 годзе. Аднак у 2015 годзе вяршыню перайменавалі ў Дэналі, што на мове карэнных жыхароў азначае «высокая».
Змена назвы Мексіканскага заліва выклікае спрэчкі. Reuters адзначае, што новае імя наўрад ці будзе прызнана на міжнародным узроўні. Мексіка, якая таксама мяжуе з залівам, заяўляе, што міжнародна прызнаная назва выкарыстоўваецца ў марской навігацыі ўжо сотні гадоў.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»26
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1414
Каментары
Москву в Нью-Васюки
Вашингтон в Цирк)