Кая Калас: Спецслужбы папярэджваюць, што Расія можа напасці на Еўрасаюз у 2028 годзе
Кіраўніца еўрапейскай дыпламатыі Кая Калас заклікала краіны ЕС узбройвацца.
Вярхоўная прадстаўніца Еўрасаюза па замежных справах Кая Калас заявіла, што Расія можа напасьці на ЕС у 2028 годзе.
Пра гэта яна расказала на канферэнцыі Еўрапейскага абароннага агенцтва, паведамляе «Еўраньюс».
«Многія нашы нацыянальныя разведвальныя службы перадаюць нам інфармацыю пра тое, што Расія можа праверыць абаронную гатоўнасць ЕС праз тры-пяць гадоў. Еўрасаюз павінен не толькі траціць грошы на прадухіленне вайны, але і рыхтавацца да яе», — заявіла Калас.
Паводле яе слоў, у 2024 годзе краіны Еўрасаюза трацілі на абарону ў сярэднім 1,9% ВУП, у той час як Расія — 9%.
«Няздольнасць Еўропы інвеставаць у вайсковы патэнцыял таксама пасылае небяспечны сігнал агрэсару. Слабасць запрашае яго», — сказала Калас.
Яна дадала, што Расія за тры месяцы можа вырабіць больш зброі і боепрыпасаў, чым 27 краін блока ў сукупнасці за 12 месяцаў.
«Прэзідэнт Трамп мае рацыю, калі кажа, што мы трацім [на абарону] недастаткова», — мяркуе Калас.
Кіраўніца еўрапейскай дыпламатыі адзначыла, што Украіна, стрымліваючы Расію ў абарончай вайне, выйграе час для Еўрасаюза.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары
Хто такая Кайя Каллас ? Функцыянер-рупар. Выклікае раздражненьне.