Kaja Kałas: Śpiecsłužby papiaredžvajuć, što Rasija moža napaści na Jeŭrasajuz u 2028 hodzie
Kiraŭnica jeŭrapiejskaj dypłamatyi Kaja Kałas zaklikała krainy ES uzbrojvacca.
Viarchoŭnaja pradstaŭnica Jeŭrasajuza pa zamiežnych spravach Kaja Kałas zajaviła, što Rasija moža napaści na ES u 2028 hodzie.
Pra heta jana raskazała na kanfierencyi Jeŭrapiejskaha abaronnaha ahienctva, paviedamlaje «Jeŭrańjus».
«Mnohija našy nacyjanalnyja raźviedvalnyja słužby pieradajuć nam infarmacyju pra toje, što Rasija moža pravieryć abaronnuju hatoŭnaść ES praz try-piać hadoŭ. Jeŭrasajuz pavinien nie tolki tracić hrošy na praduchileńnie vajny, ale i rychtavacca da jaje», — zajaviła Kałas.
Pavodle jaje słoŭ, u 2024 hodzie krainy Jeŭrasajuza tracili na abaronu ŭ siarednim 1,9% VUP, u toj čas jak Rasija — 9%.
«Niazdolnaść Jeŭropy inviestavać u vajskovy patencyjał taksama pasyłaje niebiaśpiečny sihnał ahresaru. Słabaść zaprašaje jaho», — skazała Kałas.
Jana dadała, što Rasija za try miesiacy moža vyrabić bolš zbroi i bojeprypasaŭ, čym 27 krain błoka ŭ sukupnaści za 12 miesiacaŭ.
«Prezident Tramp maje racyju, kali kaža, što my tracim [na abaronu] niedastatkova», — miarkuje Kałas.
Kiraŭnica jeŭrapiejskaj dypłamatyi adznačyła, što Ukraina, strymlivajučy Rasiju ŭ abarončaj vajnie, vyjhraje čas dla Jeŭrasajuza.
Kamientary
Chto takaja Kajia Kałłas ? Funkcyjanier-rupar. Vyklikaje razdražnieńnie.