Пастанова аб эксгумацыі целаў ахвяр Валынскай разні падчас Другой сусветнай вайны прынятая, паведаміў прэм'ер-міністр Польшчы Дональд Туск у сацсетцы X.
«Нарэшце прарыў. Прынята рашэнне аб першай эксгумацыі польскіх ахвяр УПА. Я хацеў бы падзякаваць міністрам культуры Польшчы і Украіны за добрае супрацоўніцтва. Мы чакаем далейшых рашэнняў», — напісаў Туск у свам пасце.
Валынская трагедыя 1943 года, падчас якой, як сцвярджаюць гісторыкі, ад рук байцоў Украінскай паўстанцкай арміі загінула не менш за 100 тысяч мірных жыхароў, доўгі час з'яўляецца прадметам рознагалоссяў паміж дзвюма краінамі, рэгулярна выклікаючы канфлікты паміж імі. У той час як Польшча афіцыйна прызнае тыя падзеі генацыдам, Украіна аспрэчвае гэтае вызначэнне, разглядаючы Валынскую трагедыю як канфлікт, у якім былі вінаватыя абодва бакі.
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары