Авіяцыя ВПС Беларусі ўначы не падымалася.
У ноч з 3 на 4 студзеня зафіксавана мінімум восем заходаў расійскіх дронаў-камікадзэ тыпу «шахед» у Беларусь з Украіны, паведамляе маніторынгавая група «Беларускі Гаюн».
Паводле інфармацыі рэсурсу, дроны заходзілі ў Палескі запаведнік, рухаліся курсам на Брагін і Хойнікі, а таксама праходзілі праз «беларускі калідор».
Першы заход ноччу зафіксаваны ў 23:51, калі БПЛА заляцеў у Камарын. Далейшыя заходы адзначаны ў 00:08, 00:18, тры заходы ў 00:39 і два — у 00:59.
Агулам за 2024 год «Беларускі Гаюн» зафіксаваў 395 парушэнняў паветранай прасторы Беларусі дронамі з Украіны і Расіі, сярод іх 5 разведвальных дронаў. Пік прыпаў на лістапад і снежань. За снежань у паветраную прастору Беларусі зайшло не менш за 145 расійскіх дронаў-камікадзэ «шахед».
Цяпер чытаюць
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек3
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых2323
Каментары