У Беларусь прывезлі чарговую групу дзяцей з акупаваных раёнаў Украіны. Сёння 38 дзяцей з тэрыторыі так званай «ДНР» прадстаўнікі ўладаў сустрэлі ў Мінску.
Плануецца, што прывезеныя дзеці правядуць два тыдні ў дзіцячым рэабілітацыйна-аздараўленчым цэнтры «Жамчужына» ў Лепельскім раёне.
«Дзеці будуць знаходзіцца на тэрыторыі Беларусі да 18 снежня. У гэты час яны будуць лячыцца ў санаторыі, пройдуць курс рэабілітацыі. Для іх будзе арганізаваная культурная праграма, забаўляльная праграма», — паведаміў у сваім тэлеграм-канале старшыня праўладнай партыі «Белая Русь» Алег Раманаў.
Прадстаўнікі беларускіх дэмакратычных сілаў расцэньваюць масавы прывоз у Беларусь дзяцей з акупаваных Расіяй украінскіх тэрыторый іх незаконным перамяшчэннем — злачынствам, якое мусіць разглядаць Міжнародны крымінальны суд. Вядома, што вывезеныя ў Беларусь украінскія дзеці падвяргаюцца перавыхаванню і мілітарызацыі.
Расіяне плануюць вывозіць украінскіх дзяцей з акупаваных тэрыторый праз Беларусь — упаўнаважаны па правах чалавека
Пасол у Расіі апраўдваўся за вывезеных у Беларусь украінскіх дзяцей
Мы не ўдзельнічаем у вывазе дзяцей за межы Украіны — рэгіянальны офіс ЮНІСЕФ
Беларуская дэпутатка: Дзяцей з Украіны вывозяць пры садзейнічанні ААН і Чырвонага Крыжа
НАУ перадало ў Гаагу доказы ваенных злачынстваў Лукашэнкі і ягоных прыхільнікаў
Цяпер чытаюць
«Ні тады, ні сёння я не лічу, што зрабіў штосьці кепскае». Дзядок шчыра расказаў пра былыя адносіны з 16‑гадовай дзяўчынай37
Каментары