У Мінску на скрыжаванні праспекта Пушкіна і вуліцы Прытыцкага зноў нанеслі так званую вафельную дарожную разметку. Пра гэта паведамілі ў сталічнай Дзяржаўтаінспекцыі.
Вафельная разметка ўяўляе сабой жоўтую сетку з квадратнымі ячэйкамі і прадугледжаная Правіламі дарожнага руху. Яна абазначае ўчастак скрыжавання, на які забаронена выязджаць, калі наперадзе ўтварыўся затор і кіроўца будзе вымушаны спыніцца непасрэдна на скрыжаванні.
У ДАІ лічаць, што выкарыстанне такой разметкі дапаможа зменшыць колькасць затораў, палепшыць праезд праз скрыжаванне і знізіць рызыку дарожна-транспартных здарэнняў.
Кантроль за выкананнем патрабаванняў будзе весціся кругласутачна, у тым ліку з выкарыстаннем камер Рэспубліканскай сістэмы маніторынгу грамадскай бяспекі.
Калі ігнараванне патрабаванняў вафельнай разметкі прывядзе да стварэння аварыйнай сітуацыі або дарожна-транспартнага здарэння, парушальніку можа пагражаць штраф ад 5 да 20 базавых велічынь, а таксама пазбаўленне права кіравання транспартнымі сродкамі на тэрмін да двух гадоў.
Упершыню такую разметку на скрыжаванні праспекта Пушкіна і вуліцы Прытыцкага нанеслі яшчэ ў 2023 годзе. Тады яна таксама з'явілася яшчэ на двух скрыжаваннях беларускай сталіцы.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»36
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары