Гэтай ноччу расійскія войскі ўчынілі адну з самых маштабных камбінаваных атак па Адэсе і вобласці, выпусціўшы за дзве гадзіны больш за 70 беспілотнікаў тыпу «Шахед» і 20 ракет розных тыпаў. Пра гэта паведаміў кіраўнік Адэскай гарадской ваеннай адміністрацыі Сяргей Лысак.
Паводле афіцыйных даных, на гэты момант вядома пра шасцярых пацярпелых мясцовых жыхароў, якім аказваецца медыцынская дапамога.
У некалькіх раёнах горада пашкоджаны і разбураны жылыя дамы, знішчана цывільная інфраструктура, а таксама згарэлі прыватныя аўтамабілі. На месцах прылётаў і падзення абломкаў працуюць экстранныя службы.
Каментары