Прэзідэнт Украіны дапусціў, што краіна можа пайсці на спыненне агню з Расіяй нават без вызвалення ўсіх украінскіх тэрыторый, калі падкантрольная цяпер Кіеву тэрыторыя Украіны будзе «пад дахам NATO. Аб гэтым ён заявіў у інтэрв'ю брытанскаму тэлеканалу Sky News.
Фота: Efrem Lukatsky / AP
Вяртанне ўсёй міжнародна прызнанай тэрыторыі Украіны, уключаючы анексаваны Крым і акупаваныя Расіяй часткі тэрыторый іншых абласцей, — афіцыйна заяўленая мэта Украіны ў вайне. У Кіеве неаднаразова заявілі, што дзеля мірнай дамовы не адмовяцца ад тэрыторый.
Са слоў Зяленскага вынікае, што Украіна па-ранейшаму не гатова адмовіцца ад іх дэ-юрэ, як таго патрабуе Расія. Прэзідэнт Украіны лічыць, што яны могуць быць вярнуты пазней «дыпламатычным шляхам».
Паводле слоў Зяленскага, запрашэнне Украіны ў NATO, у якім будзе сказана, што NATO прызнае юрыдычна існуючыя межы Украіны, можа пакласці канец «гарачай фазе» вайны.
Ён таксама адзначыў, што такое запрашэнне павінна наступіць «хутка». Кожная дамоўленасць аб спыненні агню павінна гарантаваць, што Расія не захопіць новыя ўкраінскія тэрыторыі.
Такую гарантыю, на думку Зяленскага, можа даць запрашэнне ў NATO. Гэтае запрашэнне — першы пункт так званай праграмы перамогі, раней прадстаўленай Зяленскім заходнім лідэрам. Паводле шэрагу паведамленняў, не ўсе краіны NATO гатовы зараз запрасіць Украіну ў саюз.
Зяленскі таксама сказаў, што мае намер непасрэдна камунікаваць з абраны прэзідэнтам ЗША Дональдам Трампам і разлічвае на яго падтрымку. Ён заявіў, што важны менавіта прамыя зносіны, адзначыўшы, што ў акружэнні Трампа гучаць розныя галасы.
Пад кантролем Расіі зараз знаходзіцца каля пятай міжнародна прызнанай тэрыторыі Украіны. Акрамя Крыма, гэта вялікая частка Данецкай, Луганскай, Запарожскай і Херсонскай абласцей, якія Расія лічыць сваёй тэрыторыяй, а таксама частка Харкаўскай вобласці. Украіна, у сваю чаргу, кантралюе невялікі ўчастак расійскай Курскай вобласці.
Расійскі прэзідэнт Уладзімір Пуцін называў умовай пачатку перамоў аб міры адмову Украіны ад Крыма і чатырох абласцей і ад уступлення ў NATO. У Масквы ёсць і іншыя патрабаванні да Кіева, нагадвае Радыё Свабода.
-
Прапагандыстка Лебедзева пахвалілася эксклюзівам з Марыупальскага тэатра, які Расія адбудавала з нуля, каб схаваць сляды ваеннага злачынства
-
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці
-
Расійскі дрон ударыў па аўтобусе з шахцёрамі на Днепрапятроўшчыне. Загінулі 15 чалавек
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю22
Каментары
Пэсэ. Хай ужотўкры адмлвяцца ад тэрыторый, а тое на маскалёў гоняць хвалю, а самі ж пра крым мрояць