Мінімум адзін збіты, авіяцыя паднімалася чатыры разы.
За апошнія суткі 24—25 лістапада зафіксавана як мінімум 38 заходаў расійскіх дронаў-камікадзэ тыпу «шахед» у Беларусь з Украіны, што з'яўляецца абсалютным сутачным рэкордам за ўсю гісторыю маніторынгу, піша Беларускі Гаюн.
Як мінімум адзін шахед дасягнуў Мазыра, былі дзясяткі праходаў праз «Беларускі калідор», а таксама не менш за 3 разы шахеды заляталі ў Гомельскі раён, у раён пагранічнага пераходу Новая Гута.
Першы заход быў у 13:48 24.11 у раён Камарына і далейшы выхад на Прыпяць у 14:11. Далей шахеды заляталі ў Беларусь у: 14:04, 14:30 (2х), 14:34 (2х), 21:56, 22:58, 23:06, 23:08, 23:30, 05:03, 05:11, 05:15, 05:29, 05:30, 05:40, 05:55 (2x), 05:55 (3x), 06:28 (4x), 06:30, 07:10, 07:24, 07:53, 07:55 (2x), 07:55 (2x), 08:08 (2x), 08:39 (2x), 08:49 (2x).
Варта адзначыць, што шахед, які заляцеў з Прыпяці ў Беларусь у 23:08, далей накіраваўся ў Нароўлю і да 00:05 дасягнуў прыгарада Мазыра. Далейшая яго доля — невядомая. Не выключана, што менавіта ён быў збіты сіламі СПА каля 01:00.
За апошнія суткі дзяжурная авіяцыя ВПС РБ паднімалася і лятала на паўднёвы ўсход краіны 4 разы: з 15:20 да 16:30, з 23:40 да 01:30, з 07:00 да 09:00 і з 09:00 да 10:30.
Сярод 38 зафіксаваных заходаў дакладна пацверджана вяртанне ў паветраную прастору Украіны толькі 9. Паветраныя сілы УСУ паведамілі, што паводле іх даных, лакальна былі страчаны 71 БПЛА, і 1 дакладна паляцеў у Беларусь.
-
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы
-
Рагачоўскага актывіста Дзяніса Дашкевіча абвінавачваюць у падрыхтоўцы замаху на дзяцей Ціханоўскай
-
Лукашэнка, разважаючы пра дысцыпліну, увярнуў фразу па-беларуску
Цяпер чытаюць
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы7
Каментары