Калі канфлікт будзе развівацца па шляху эскалацыі, то немагчыма выключаць нічога, дадаў палітык, маючы на ўвазе магчымы адказ РФ на ўдары заходняй зброяй па расійскай тэрыторыі.
Расійска-ўкраінскі канфлікт можна завяршыць без новых выдаткаў для чалавецтва, калі краіны NATO спыняць «раздзімаць пажар вайны» ва Украіне, заявіў намеснік старшыні Рады бяспекі Расіі, экс-прэзідэнт Расіі Дзмітрый Мядзведзеў у інтэрв'ю тэлеканалу Al Arabiya, пішуць «Ведомості».
«Калі блок NATO ўстане на рэальную глебу, калі яны спыняць раздзімаць пажар вайны ва Украіне, гэты канфлікт можна завяршыць без усялякіх выдаткаў для чалавецтва. Ва ўсякім выпадку, новых выдаткаў», — заявіў Мядзведзеў.
Краіны NATO пачалі наўпрост ваяваць на баку Украіны супраць Расіі і адказ ім абавязкова будзе дадзены, сцвярджае таксама намеснік старшыні Рады бяспекі.
Калі канфлікт будзе развівацца па шляху эскалацыі, то немагчыма выключаць нічога, дадаў палітык, маючы на ўвазе магчымы адказ РФ на ўдары заходняй зброяй па расійскай тэрыторыі.
Пры гэтым Мядзведзеў падкрэсліў, што ў расійскім кіраўніцтве «няма вар'ятаў», але парог прымянення ядзернай зброі зніжаны ў адпаведнасці з новымі асновамі ядзернага стрымлівання.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі72
Каментары