«Тады мы ўдарым па Пецярбургу». Вайскоўцы з Польшчы і краін Балтыі абмеркавалі ваенны адказ на магчымую расійскую агрэсію
Пасля вайны ва Украіне Расія можа накіраваць свой «імперыялістычны экспансіянізм» на Эстонію, Латвію, Літву і Польшчу, заявіў на канферэнцыі Defending Baltics дарадца прэзідэнта Літвы па нацыянальнай бяспецы Кястуціс Будрыс.
Паводле ягоных слоў, верагоднасць такога сцэнарыя ўзрасце, калі Беларусь цалкам стане часткай так званай Саюзнай дзяржавы, піша Bild.
«Украіна дае нам некалькі гадоў часу. Калі Расія пераможа ва Украіне, у нас будзе адна расійская дывізія ў Львове, адна ў Брэсце і адна ў Гродне», — заявіў на той жа канферэнцыі начальнік Генеральнага штаба Польшчы Раймунд Анджэйчак.
Паводле ягоных слоў, калі расійскія войскі перасякуць мяжу з Літвой, будзе «неадкладны адказ».
«Не ў першы дзень, а ў першую хвіліну. Мы ўдарым па ўсіх стратэгічных аб’ектах у радыусе 300 кіламетраў. Мы ўдарым непасрэдна па Санкт-Пецярбургу», — заявіў Анджэйчак.
Ён упэўнены, што еўрапейскія краіны «павінны ўзяць ініцыятыву ў свае рукі» і даць Расіі зразумець, што напад на Польшчу ці краіны Балтыі будзе пачаткам татальнага супрацьстаяння. Анджэйчак лічыць, што гэта адзіны спосаб утрымаць Крэмль ад такой агрэсіі.
З гэтай мэтай Польшча цяпер закупляе 800 ракет з далёкасцю да 900 кіламетраў, якія будуць выкарыстаны ў выпадку нападу Расіі.
«Мы павінны быць здольныя нанесці ўдар у адказ адразу самастойна, не чакаючы рашэння ў некаторых сталіцах НАТА аб тым, ці варта задзейнічаць артыкул пяць», — заявіў камандуючы літоўскай арміі Раймундас Вайкшнорас.
-
Тандэм прэзідэнта Францыі і яго прэм'ер-міністра стаў самым непапулярным у сучаснай гісторыі краіны
-
У Літве стабальнікаў прэміруюць немалымі грашыма. А іх настаўнікаў — яшчэ большымі. Але сёлета сістэма ледзь не зламалася
-
Аліеў параіў Украіне не згаджацца на акупацыю. Z-каналы заклікаюць рыхтавацца да вайны з Азербайджанам
«А зможаце вылецець заўтра?» Джон Коўл расказаў, як піў з Лукашэнкам гарэлку, каб дамовіцца пра вызваленне палітвязняў9
Каментары